الى كل راغبى السفر للسعودية (نصيحة من أخوكم)

الحمد لله والصلاة والسلام علي نبي الرحمه المهداه وبعد ,,,,,
ارجو من الاخوة المصريين العامليين في المملكه التعقيب علي هذا الايميل وارجو ان يقدم الاخوة النصيحه لوجه الله للمقبلين علي السفر قل ان يفاجأهم الواقع واليكم الايميل كما وصلني والله الموفق ,,,,,



أخوانى نظرا للتدهور الشديد فى النواحى الأقتصاديه فى مصر يتسابق ملايين الشباب للسفر للدول العربيه وخصوصا السعوديه لكى يفتحوا لهم أبواب رزق جديده وللهروب من الوضع المأساوى فى مصر

ولذلك قامت الشركات السعوديه بتقليل رواتب المصريين الراغبين فى القدوم حديثا فى كل المجالات نظرا لهذا السبب ولأسباب أخرى
وليس الشركات فقط بل المصريين إيضا قللوا من أنفسهم وقيمتهم الحقيقيه التى يستحقونها

ولذلك فكرت فى عمل بحث صغير جدا فى حدود وقت فراغى وأتمنى من كل شخص يقرأ هذا الموضوع أن ينشره لكل صديق أو قريب أو يتم نشر الموضوع فى كافة المنتديات حتى يصل لأكبر قدر من راغبى السفر للسعوديه . أيضا أرجوا من لديه مثال واقعى يكشف ما سيتم سرده بعد ذلك من أوضاع أن يكمل معنا الموضوع بوضعه وأرساله لكل راغبى السفر للسعوديه

دعونى أولا أوضح بعض النقاط

1- أقل مبلغ مطلوب شهريا لمستوى معيشى متوسط لفرد واحد

الأكل - فى أضيق الأحوال 20 ريال يوميا (فطار – غداء – عشاء)
المياه - فى أضيق الأحوال 20 ريال شهريا ( 4 قاروره)
سجاير - فى أضيق الأحوال 3 ريال يوميا (العلبه تقريبا 5 ريال)
أخرى - فى أضيق الأحوال 200 ريال شهريا (علاج – موبايل - خروج – ملبس – ألخ......)

أذا المجموع الكلى تقريبا 900 ريال شهريا لشخص مدخن وتقريبا 800 ريال لشخص غير مدخن

مع العلم أنه يمكن أن تكون هناك مصاريف أخرى يمكن حدوثها ولكنى لم أذكرها لأختلافها من شخص لأخر
أيضا هذه المصاريف لشخص عادى مش(أكيل- فييس) يعنى

2- السكن والأنتقالات

لو الشركه موفراهم مفيش مشكله أما أذا كان الأجابه بلا فأليك هذه المعلومات

السكن

لو الشركه هتوفرالسكن و بدون أثاث

أذا ستحتاج (سرير – دولاب - غساله – ثلاجه – بوتجاز – مكوه – حاجات المطبخ – وخلافه )
لو هتشترى عفش جديد هيكون فى حدود 4000- 6000 ريال
أما لو مستعمل هيكون فى حدود 2500- 3500 ريال
كل ده بدون تكييف وهيكون فى حدود 1500 ريال أذا كان غير موجود لكل غرفه بالطبع

اما لو الشركه مش هتوفرالسكن

فهيكون أيجار سكن عازب غرفه وصاله ومطبخ فى حدود 10000 ريال فى السنه
لو السكن مشترك هيكون فى حدود 500 ريال شهريا

وهذه معلومات فى حالة طلبك بدل سكن مناسب

الأنتقالات

فى المملكه مفيش مواصلات عامه ألا باص صغير يأتى من حين لأخر على إستحياء ولا يمكن الإعتماد عليه
ولذلك ستركب تاكسى وأقل مبلغ ستدفعه 20 ريال للمشوار الواحد
ولذلك يمكنك حساب ما تحتاج من بدل الإنتقالات

بعد سرد ما سبق وبدون إطاله

أذا كان السكن مؤثث ومكيف والإنتقالات على الشركه فيمكن للفرد أن يحتاج إلى 1100- 1300 ريال شهريا
أما أذا كان العكس فسيحتاج الفرد إلى 1800 – 2200 ريال شهريا
ولذلك بعد بحث طويل مع كل الأفراد والأصدقاء أستطيع أن أضع تصور عقلانى للرواتب التى من المفترض إلا يأتى أحد من مصر أقل منها وأناشد أخوانى قدر المستطاع نشر هذه المعلومات نظراُ لأهميتها القصوى

بس الشباب هيعمل اية الكل بيبقى عارف كدة بس بيقول احسن من مفيش لان فى مصر بجد احباط جااااااااامد للشباب
لما يبقى الشاب جامعى ويشتغل عامل زبالة او فى المعمار او جرسون فى مطعم
بالله عليك لو قلتلة تعالى سافر اشغلك فى مجالك واجبلك سكن واكل ومصاريفك الشهرية هيوافق
اية اللى بيخلى الشباب يحاول الهرب لايطاليا مع ان كلها محاولات فاشلة وبيموتوا فى البحر و بيحاولو ا الهرب مرة تانية بالرغم من انة كان ممكن يموت فى المرة الاولى يقلك الموت اهون ليا من حياتى فى مصر بالمستوى دة
ولو فكرت تعمل مشروع خاص تلاقى الحكومة تهاجمك من كل نحية وتبقى لعبة فى ايد رجال الاعمال وممكن تبذل كل جهدك وكل مالك فى مشروى وتكبرة وبسب قرار من وزير لصالح رجل اعمال انت تتدمر ويخرب بيتك بالله عليك بعدة دة هل ممكن يقدر يقوم ويحاول يفتح مشروعة تانى لو فتحة هيفتحة بنفس النشاط اللى كان علية فى المرة الاولى
شغل فى مصر هو ( صبى عالمة - بياع مخدرات - نصاب )

الف شكر على نصائحك الجميلة وكتير مننا يعرف كدة بس مفيش غير كدة

انا بؤيد راي المهندس / عبدالرحمن

في دلوقتي تدني جامد في الرواتب

ولازم كل واحد يتمهل اوي قبل ما يقدم علي السفر

ولازم يكون عامل لنفسة هدف يعني اما يسافر هيشتغل اية

مفيش حاجة اسمها اي شغل والسلام

يعني لازم تحدد الشغل اللي عاوز تشتغله وتاهل نفسك لذلك