سؤال نريد اجابتة من المسافرين خارج القرية

السفر مجزي في حاله عدم وجود مصدر دخل يوفر متطلبات الحياه الاساسيه لك
السفر غير مجزي لان الدخل يساوي المصروف الاساسي والفرق في تغيير العمله فقط
ضريبه السفر قسوه القلب التقوقع لان كل حركه في الغربه بفلوس يعني هتكلم فلان ادي فلوس
هتروح له زياره ادي فلوس هتفكر ادي فلوس
انقطاعك عن اهلك لان بسفرك معدتش هتبقي مشغول بمشاكلهم لان التفكير فيهم هينقص من تركيزك وسط غابه الغربه
لو عندك قرش ممكن تدفعه فيزا علشان تيجي يزلك فلان وعلان وتنسي حياتك وتمشي جوا الحيط فكر في اي حاجه تدر عليك دخل في البلد هتكسب الاسم والمدي الطويل والاستمراريه
ممكن تشوفها بعينك اخر ناس ممكن تتجوز المسافرين ارهنك لو لقيت واحد معاه قرش عليه الرمق
مؤهلاتك للسفر
اللغه اللغه اللغه اللغه اللغه اللغه الكمبيوتر الكمبيوتر لباقه الحديث رخصه مصري

مع احترامى لكل الاراء

بس انا بؤيد راىء الاخ بموت في تراب بلدي

بالنسبة للخبرات في العمل

فانت لو اشتغلت في مجالك في اي مكان هتستفاد خبرات

وبالنسبة للجانب المادي المسالة دي مسالة نصيب ورزق

بس بصراحة هي ليها مميزات وخاصة لو السعودية

وهى طبعا انك هتحج ودة اجمل شىء غير انك كل ما حاجة تزعلك

هتلاقي مكان تروح ترتاح فية وهو طبعا الحرمين

في اجمل من كدة انك كل ما تعوز تروح الحرم تروح بسهوله

ربنا يرزق الجميع حج البيت وزيارة مسجد رسوله صلي الله عليه وسلم

واتمني التوفيق للجميع سواء في مصر او في السفر

تقريباً زي الاخوه ما قالوا بس حاول تستخير ربنا اولا واخيراً
حابب ازيد
كل ما الفيزا تكون غالية اعرف انها مش كويسة لماذا ؟
لان صاحب العمل لو محتاج فعلا مستعد يدفع مش ياخد علشان يجيب موظف ليه
كمان لو الفيزا غالية ويقولك مفيش شغل تعرف انا واحد من واحد من واحد وانت في الاخر تتعامل مع اول واحد الكفيل السعودي مش النصاب الي كسب منك الف ريال والسلام

واخواني المسافرين للسعودية وفيه حاجة خاصة لاهالي عطاف فقط ياريت الي معاه فيزا قبل ما يسافر يحاول يجيب رقم الكفيل او اسمه ومكانة ونحاول بقدر المستطاع نشوف فعلا ايه وضعه لان المبلغ اصبح ارقام فلكية يا شباب واحنا كلنا عارفين الفلوس منين جيه وحسين ببعض
ويعرف هو فين مثلا لو الرياض لو الدمام لو جدة لو مكة لو ووووووووووووووووووو تقريبا في كل مدينة ناس من عطاف
يارب يجعل رزقنا في بلدنا

شكرا على ردودكم وان شاء الله نستفاد منها قبل اختيار السفر ام البقاء
وانا فعلا عاجز عن الشكر ليكم جميعا
اللهم ارزقنا جميعا من اوسع ابوابك وارزقنا بحلالك