علشان المخدرات

يا جماعة الموضوع ده مهم جداً لانه يهدد كل القرية من الرجل والمرآة والطفل لذا لابد ان تتوحد الجهود للقضاء علية من جميع الاتجاهات كل في مكانه (تضيق الخناق)
اولا : الاخلاص واحتساب الاجر من كل المساهمين في حله
ثانياً : رجال الدين وطلبة العلم الملتزمين عليهم الدور الاكبربالتقرب اليهم اكثر من غيرهم واحتوائهم
ثالثاً : القائمون على امن القرية عن طريق خطه سرية لهم معينه متفق عليها بالتنسيق مع مسئول
رابعاً: المدرسة والحمد لله ان المدرسين معظمهم من القرية دورهم مهم جداً
خامساً:الاب او الام او ولي الامر المباشر مش عيب انك تقول ان ابنك غير طبيعي او معاه فلوس معرفش منين او
صحابه كذا................ او................ أو............... بس تقول لمن لرجل ثقة واظنهم
كثيربفضل الله
سادساً : الجيران ايضا تتعاون في ذلك
سابعاً : كل من انعم الله عليه بالتوبة عن ذلك العمل عليه دور مهم ايضا
ثامناً : الكل يعرف دوره في المشكله ولا يزايد عليه لانه مهم جداً
مش عارف ليه حاسس انهم يريدون الرجوع بس فين اليد الحكيمه تمتد اليهم فيهم الخير لكن مين يظهره لان اباءهم
واجدادهم ناس طيبين بس النفس والشيطان وادعو باخلاص ان يهديهم الله ويرزقهم الحلال حتى يبتعدو عن الحرام
اخيرا اسف على الإطاله وشكراً

ياريت كلنا نتكاتف في حل المشكلة

وزي ماقلت قبل كدة المشكلة مش في اللي بتاجر

لان دة واحد يعادي ربنا فالنصح له بدون جدوي

لكن شباب القرية اللي بيشرب مخدرات هو دة الهدف

هو اللي احنا يجب ان نسعي في العودة بية ومساعدتة

وصدقوني شباب القرية بخير بس محتاجين اللي يمد ايده لهم

وهتلاقو دائما اللي بيشرب بيحاول يعوض ضعف في شخصيتة

بانه يشرب مخدرات فلازم اننا نفهم انه يحب شخصيتة

ونفهم انه لية قيمة في المجتمع واننا محتجين لية

علشان كدة بنقلك اقلع عن المخدرات علشان البلد محتجاك

... إذا كنا نريد أن نتكاتف كما يقول الأخ إيهاب ...
... فلماذا نفتح موضوع جديد حول نفس المشكلة التي تم طرحها بالأمس
... من العضو moh-406 بعنوان "المخدرات بقريتنا إلى متى ؟!" ؟؟؟!!!
... أجاوب ؟!!
... ولا تجاوب انت ؟!!

... فقط تذكر أن حسن النية لا يعفي من المسئولية!

... تحياتي

انا اؤيد راى الاخ out of signe

ولو ممكن تدمج الموضوعين في بعض يبقي كتر خيرك

وياريت يكون في ناس في المنتدي معاهم صلاحية تنظيم المنتدي

حتي لا يحدث تكرار للمواضيع

وشكرا للاخ الكريم علي هذا الايضاح

وارجو ان كنت موجود في البلد ان تنسق مع الاستاذ سمير

وتحاولو تنظيم المنتدي

لان عدد المشاركات في تزايد مستمر الله ملا حسد

وممكن يزيد التداخل

وعلي العموم انا عندي فكرة وشوفتها في منتديات كتير

وهي تقسيم المنتدي الي اقسام وعمل مشرف لكل قسم

ودي مجرد فكرة 000 وشكرا

بالفعل الموضوعات بنزيد والاعضاء فى زيادة مستمرة وكمان المشاركات وكمان المنتدى منظم ومرتب وكل يوم فية جديد وتطوير دة راى انى دخلت على المنتدى من شهرين ماكنش كدة خالص حصل تعديلات كتير بمجهودات الاستاذ سمير والطالب المتميز Mr.7oOb عندة فكرة جيدة عند المنتديات والانترنت كويسة جدااااااا وبفضل الاعضاء الناشطين والمشاركات الجميلة
وشكراااااااااااااااااااااااااااااااا

السلام عليكم ورحمة الله وبركاته وبعد
شكرا للاخ محمد على اثارة مثل هذه المواضيع الهامة التى والله يزداد القلب ضيقا عند سماع مثل هذه الاخبار وربنا يستر على اولادنا وشبابنا .
والاسباب كتيرة منها :
1) استقالة الاباء من مهنة التربية وهى دى بداية المصايب .
2) الوباء لم يظهر الا بعد امتلاء البلد بالغرباء ( من محلة البرج واجاويدها) وظهور موضوع الايجارات للشقق الذى لم نكن نعهده من قبل ( خلاص بقينا مستثمرين الله يرحم زمان) وعلى فكرة امثال المغتربين دول معظمهم اما تاجر مخدرات او احد بناته واحيانا زوجته تعمل بالفاحشة .
3) نسيان الناس ان فى اسلامنا موضوع اسمه الامر بالمعروف والنهى عن المنكر والساكت عن الحق شيطان اخرص .
4) البلد امتلأت قهاوى ( غرز) وسايبرات(عفوا اماكن لترويج المخدرات والافلام الاباحية).
فهل وصلنا الى هذه الدرجة من عدم اللامبالاه بما يحدث حولنا أو حتى بمصدر رزقنا هل هو حرام أو حلال ولا الواحد يفكر بس ازاى يكسب فلوس من فين مش مشكلة (ما تبقاش كومبليكس).
4) نداء لعمدة البلد لو سمحت لما تسمعوا عن اى حاجة خارجة من اى مكان ليه ماتصدرش امر بغلق هذا المكان او المحل بما ان حضرتك ممثل السلطة التنفيذية فى البلد ولما تسمعوا عن واحد غريب مش كويس ليه اخلاقيا ان تأمر باخراجه من البلد .
وهم دول الاسباب الرئيسية والاساسية من وجهه نظرى المتواضعة وشكرا على الاهتمام.