...المجد للمعتصم
واقف في عز الشمس
خايف لَبُكْره اللي جاي
يندار ويصبح أَمْس!!
شايل بلاده
تحت جلده وريد،
قابض على حلمه
بصوابعه الخَمْس.
*
المجد لك
يا شعبنا الثاير..
جالك أوان تنتصر
ع الحاكم الجاير،
وتشوفه يوم في القفص
والكل بيشاور:
آدي اللي باع الوطن
بالبَخْس جه دوره؛
تندار عليه طُغْمته
ويهزمه غروره!
فرعون في وسط البَحَر
بيقِبّ وبيغطس..
فرعون رهين المرض
نايم على سريره !!
*
المجد لك يا شهيد
يحقلك تفرح،
ياللي انت قلب الميدان
لك في القلوب مطرح.
دمك ده ولا النهار
يا نخلة في العالي..!
رامية في كل الفصول
وليل نهار تطرح..!
يا حلمنا اللي اتبَدَر
ع الأرض خضَّرها،
ملاها زرع وغيطان
وفَجّ نوَّارها،
