الى جمعية تنمية المجتمع بعطاف

بدايتاً لا احد منا ينكر دور الجمعية في جميع ما تقوم به من تقديم الخدمات ولكن بفضل من الله ونعمه ثم مجهود واخلاص القائمين عليها وكذلك اهالي القرية ساعدت على حل كثير من الامور التي يصعب حلها ولا اخوض في ماتم عمله حتى الان
ولكن الموضوع هو عبارة عن اقتراح لماذا لايكون للجمعية انشطة اضافية اخري في القرية لكي تفتح المجال لشباب القرية للعمل كل في مجالة وتخصصة باجر مثلا محلات / مزرعة / ايجار اراضي لحساب الجمعية / تربية مواشي / مناحل زيادة و / تجارة داخل وخارج القرية / تقوية للطلبة في المدارس / مكتبة مدريسية مكتملة / مقر رياضي للشباب / عمل انشطة تجارية ايضا خارج القرية / وممكن حاجات كتير اوي عارف الكل هيقول منين نجيب راس المال البداية دائما تكون صعبة ولكن ليست مستحيلة ولابد من دراسة وتوضيح من المسئولين هذا الاقتراح قابل للقبول والرفض والتعديل والتنفيذ نرجو التعليق علي الاقتراح وشكرا

انا بشجع الفكرة دي اوي ونفسي تتنفذ

الشباب محتاجين افكار حلوة
تكون سهلة التنفيذ

ويكون تنفيذها لا يحتاج روتين كتير

لان الروتين هو اللي بيحبط كل الافكار الكويسة

وفي نفس الوقت محتاجين اللي يسهل علينا التراخيص

وبالنسبة لراس المال

ان شايف ان دلوقتي مفيش مشكلة

والدليل نسبة اللي بيسافر الي الخارج نسبة كبيرة جدا

والسفر محتاج فلوس كتير

فلو احنا استثمرنا الفلوس دي بدل ما نرميهم في السفر كنا عملنا مشاريع كويسة

تفيد البلد وتفتح فرص عمل كويسة للشباب كلهم وهم داخل بلدة

بس المشكلة ان كلة بيستسهل السفر

ميعرفوش حجم الضغط النفسي اللي في السفر

والله ماقبلت حد مرتاح نفسيا في السفر علي الاطلاق

ولسان حال الشباب بيقول احنا لو كنا عملنا مشروع في البلد كان حد هيشتكينا

كعادة البلد

لان المثقفين اللي بيفهمو في القانون في بلدنا كتير اوي

ومعظمهم بستخدموه في ازية الناس

انا اسف 0000000000 بس دي الحقيقة

طبعا كل المشروعات التى قلتها ممكن تتعمل وبالفعل عندنا منا المنحل وكذلك مشروع تميل للمشروعات الصغيرة وهناك حوالى 80 مشروع صغير لاابناء القرية كما يعمل بالجمعية اكثر من ثلاثين من ابناء القرية وان شاء الله يكون فى خلال ايام هناك نادى للمرأة للتدريب على اعمال الخياط و وما شابه ويمكن التوسع اكثر لكم كما قلت مشكلة التمويل فمثلا نادى المرأة ممكن يضيع منا لعدم وجود مكان الأن وقمنا ببناء مكا فى الجمعية ولكن يحتاج الى تشطيب على وجه السرعة وطبعا الامكانيات لاتسمح وعادة نسبة التبرعات ضئيلة جدا لأن الناس تنظر الى الجمعية على انها حكومية ولكن الجمعية اهلية تحت اشراف حكومى وحتى الأن الدعم الحكومى قليل جدا
المشكلة الثانية ان الجمعية كبرت والمشاكل كترت وتحتاج مساعدة من اهل القرية ولكن دائما مانجده النقد غير البناء والله المستعان

انا يسال عن المشروعات اللي ممكن تفيد البلد

واللي ممكن تقابل بالتعاون من قبل الاغلبية بالبلد

انا ارجو من الجميع ان كل واحد يعرض المشروع اللي شايف ان ممكن يفيد الناس

ومش عيب ان يستفاد من وراة

بل بالعكس احنا في وقت اننا نعمل مشاريع استثمارية

حاجة تشغل فئة كبيرة وكلنا نستفاد من وراها

اتمني اني الاقي مشاركة بافكار حلوة

واكيد الفكرة الحلوة هتلاقي اللي ينفذها