:: الفرق بين الولد والبنت فى الميكروباص.....

السلام عليكم ورحمه الله وبركاته..

الفرق بين الولد والبنت فى الميكروباص

نحب يجماعة نناقش الموضوع دا

بيحصلنا كلنا ف المواصلات حتي اللي عنده سيارة بيضطر ان يركب ميكروباص

وهي هي نفس التعليقات

ونفس ردود الافعال

فكل مكان

وكل زمان

طلاما اللي انت راكبو يندرج تحت اسم ( ميكروباص )

ايه باه اللي بيحصل ؟؟؟

ما تيجو نشوف

أولا :-

طبعا وانتا بتوقف الميكروباص وياسلام لو مافيش مكان

لو انت بنت يادوب تبصي بس بصة استعطاف لأي بأف قاعد هايقوم ينط يعد في ضهر السواق عشان تعدي

انما بقا لو انتا ولد شوفلك اي حتة اترزع فيها او انشالله تتشعلق مانتا اساسا مالكش أهل يخافو عليك

ثاني حاجة :-

طبعا وانتا طالع كتير مننا ممكن يخبط راسه في الباب

طبعا لو كنتي بنت هاتلاقي اللي بيقولك خير حصلك حاجة ؟؟؟ من كل الركاب وممكن طبعا
تلاقي اللي ممكن يقوم يضرب السواق

انما بقا لو كنت ولد... اسمع بقا اللي يضحك عليك واللي يقولك ايه اتعميت ؟؟ .. يا لطخ تستاهل شوف كنت بتبص فين والكلام دا طبعا

ثالث حاجة :-

وانتا بقا بتقفل الباب وطبعا السواق بيقولك اقفله بالراحه كأنه هايتكسر في اديك مانتا بقا رامبو

طبعا لو كنتي بنت وبتقفلي بالراحه خالص وممكن الباب مايتقفلش يقولو شوفو الرقة حتى الباب مش هاين عليها تخبطه بالجامد

وياعيني عليك لو كنت ولد والباب ماتقفلش .. ايه ياعم النايتي مش قادر تقفل الباب اتفو على دا جيل

.... ولو قفلت الباب بالجامد بقا

لو كنتي بنت طبعا هايقولو معلش اكيد متعصبة شوية ربنا يعينها على اللي هيا فيه

انما لو كنت ولد : ايه الطور دا خلاص ياعم عرفنا انك فاندام بس بالراحه ع الباب

رابع حاجة :-

طبعا ممكن يجيلك تليفون وانتا قاعد في الميكروباص

لو انتي بنت وانتي بتقولي الو ياسلااااام الله يا جماعه على صوتها شوفو
الرقة يابخته المحظوظ اللي بيكلمك ولو معاها موبايل معفن ياسلام ع التواضع

انما بقا لو كنت ولد اللهي يجيلك ضربة انتا واللي بيرنلك دلوقتي وطي ياعم صووت ام
صوتك صرعتنا والله عرفنا انك معاك زفت موبايل ولو الموبايل معفن .. وكمان بتتعايق
بموبايل معفن امال لو كان موبايل عدل شوية كنت عملت ايه

نمرة خمسة :-

لو انتا بقا طالع والسواق مشغل اغنية بيئة ومعلي الصوت بقا وانتا عايز تتكلم في الموبايل

طبعا لو انتي بنت القانون بيديكي الحق الكامل انك تقوليله وطي الكاسيت او اطفيه ( قانون ساكسونيا طبعا)

انما لو ولد هاتلاقي السواق من غير ما يرد عليك يادوب يبصلك بصة بقرف ويلف وشه
تاني ويعلي الصوت كمان ويفضل يبرطم بقا انتا هاتشترينا بأم النص جنيه اللي هاتدفعه

سادس حاجة :-

طبعا بقا انتا وصلت الحمد لله بعد القهر والتفرقه العنصرية اللي اتعرضت ليه طول
الطريق عايز تنزل بتقول للسواق على جنب وطبعا لايمكن هايسمعك ماهو مشغل
الاغاني ومعلي الصوت على اخره

طبعا لو انتا ولد هاتقول مرة واتنين وعشرة وينزلك بعد الحتة اللي انتا عايز تنزل عندها
بشارعين تلاته وطبعا هايقولك ماسمعتكش مانتا اللي صوتك واطي زي البنات

انما بقا البنت يادوب كل اللي هاتعمله انها توشوش نفسها على جنب وكأنها
بتكلم نفسها هاتلاقي بقيت الاربعتاشر نفر اللي قاعدين في الميكروباص
بصوت واحد بيقولو للسواق على جنب ..... انتا اطرش ؟؟؟

خللي بالك ورد لحسن يقولك رد هو انت ماتعرفش تقرأ
ولا يقوليك ردي علي الموضوع وعيشي عيشة اهلك

في انتظار ردكم احبابي
للمزيد من مواضيعي

اولا كل سنه وانتم طيبين

انا دخلت مخصوص علشان موضوعك عجبنى ياميدوووو
بجد جميل ويضحك بس ليه انت ظالم البنات كده يعنى
وبعدين الولاد يقدروا يتصرفوا ويركبوا اى حاجه اما البنات طبعا مينفعش ولا انت شايف غير كده يعنى

ههههههههههههههههههههههههه
حبيبى يا ميدو بس انت متاثر اوووووووووووووووووووووووووووووووووى
يا عم سيبك دول سواقين زباله والبنات دلوقتى بقت استغفر الله العظيم
بس على فكره السواقين بيبقى لهم حق من الى بتبقى البنات عملاه فى نفسها ................

ارجع واقلك السبب في كل ده الرجاله مع بعضها البعض

يعني الاولاد هما اللي عملوا كده في نفسهم

------------------

تشوف الواد لما يجي يكلم صاحبه وصاحبه يطلب منه حاجه ممعيش ومفيش

-----------------

خلي واحده هي اللي تطلب هيخترع

------------------

يبقي احنا اللي رجاله مع بعض بنعامل بعض وحش

----------------

وده بيجي في مصلحه البنات

-------------------

انما تشوف البنات مع بعض

-----------------

العكس تماما

----------------

البنت للبنت

-------------

مش زي الاولاد

---------------

الولد للبنت

--------------------

لا وكل ده والبنات يقلك عاوزين مساواه

----------------

لو عاوزين مساواه

----------------

معلش بقي

1. معاد تجنيدكم روحوا هاتوه من الكليه علشان تشرفونا في الجيش

2. انا هطلع اشتغل ليه يلا خديلك لفه علي دماغك واطلعي علي الشغل

---------------------

3. معلش الغيط عاوز يتروي ويتزرع وشغل كتير يلا علي هناك

--------------

هتيجي واحده تقلي ما تيجي تطبخوا

--------------------

هقلها مهو حصل

------------------

مهو الطبخين في الافراح كلهم رجاله

------------------

علشان تعرف ان الستات مش نافعين في شغلتهم

---------------

واحده هتقلي ايه مهو علشان مينفعش الحريم يطلعوا افراح وكده

----------------------

اقله هبقي اجبلك طبخه لواحد راج وهات طبخه لواحده ست ودوق من هنا ودوق من هنا

------------------

هتيجي تقلك ربي العيال وشوف وغيرلهم

---------------

هقلها ويبقي سبنالكم انتوا ايه

----------------------

واحده هتقلي احنا الجزء التاني في الحياه

----------------

الجنس اللطيف

هقلها شوفي الصوره دي

اشقطي حلو يا به احسن الجنس الناعم يقع يبقي خشن ههههههههههههه

والله يا ميدو معاك حق والحاجات دى لا يكاد يمر يوم إلا وتحدث

.............................................

بس يعمل سواق الميكروباص الراجل بيتسلى بس المشكلة فى البنات اللى مبدعين نفسهم
راحين الكلية وكأنهم رايحين يتجوزوا وبالطريقة دى فى كل مكان والمشكلة دى عند البنات

يخافوا على نفسهم شوية ولا إيه

..........................................

تحياتى : الـــــــعــــــالــمــى

موضوع جميل جداااااااااااا

شكراا جزيلا لمروركم ...الذى زاااد من كمال الموضوع

اشكرك ..........

شكرا يا اخ ميدو علي عرضك الجميل للموضوع اسأل الله ان يفرج ازمة الميكروباص علي الشباب