؛؛ لو شاطر..تعرف تعيش فى مصر ب1000 جنيه فى الشهر!!!!

لو شاطر .. تعرف تعيش فى مصر بـ 1000 جنيه فى الشهر !!!

بيان المصروف اليومى والشهرى :
- عيش بلدي : 1 جنيه يومياً = 30 جنيه شهرياً
(بس لازم تلحق دورك فى طابور الفرن وتلحق شغلك فى نفس الوقت ربنا معاك )

- حليب : 4 جنيه يومياً = 120 جنيه شهرياً
( عدد واحد لتر يومياً ويارب ميطلعش بودرة سيراميك ويكفى العيال )

- فول : 8 جنيه إسبوعياً = 32 جنيه شهرياً
( كيلو فول اسبوعيا يعنى 125 جرام يوميا رضا والحمد لله )

- جبنة بيضاء : 20 جنيه إسبوعيا ً= 80 جنيه شهرياً
( كيلو في الأسبوع 125 جرام يوميا انت عايش )

- بيض : 5 جنيه إسبوعياً = 20 جنيه شهرياً
( عبارة عن 10 بيضات فى الاسبوع يعنى لو اربع افراد يبقى بيضه ونص يومياً للأربعة أفراد )

- خضار : 10 جنيه إسبوعياً = 40 جنيه شهرياً
( عبارة عن صنف واحد بس + كيلو طماطم + ليمونه وحزمة جرجير أسبوعيا )

- فاكهه : 5 جنيه إسبوعياً = 20 جنيه شهرياً
( عبارة عن كيلو برتقال أو قشر موز مرة أسبوعيا عشان العيال تفتكر إسمه )

- شاى : 10 جنيه شهرياً
( لزوم الكيف اللى بيذل والضيوف الرزلين )

- سكر : 4 جنيه إسبوعياً = 16 جنيه شهرياً
( عدد واحد كيلو أسبوعيا .. لزوم الكيف اللى بيذل والضيوف اللى معندهمش دم )

- أرز : 4 جنيه إسبوعياً = 16 جنيه شهرياً
( عدد واحد كيلو أسبوعيا للعائلة كلها .. يعنى 125جرام يوميا للأسرة ومتوسط الفرد 40 جرام )

- زيت طعام : 10 جنيه إسبوعياً = 40 جنيه شهرياً
( لتر اسبوعيا علشان تشرب بق على الريق يزيت معدتك ويستعمل كبديل للخضروات )

- مكرونة : 8 جنيه إسبوعياً = 32 جنيه شهرياً
( عبارة عن عدد 4 كيس 400 جرام أسبوعيا .. خلى العيال تنبسط )

- دجاج : 20 جنيه إسبوعياً = 80 جنيه شهرياً
( عدد واحد دجاجة أسبوعيا للعائله .. أظن معقول )

- لحم : 30 جنيه إسبوعياً = 120 جنيه شهرياً
( عدد واحد كيلو لحم أسبوعيا لزوم صنف الخضار والليمونه وحزمة الجرجير.. ألف هنا وشفا )

- بقوليات : 10 جنيه شهرياً
( عبارة عن كيلو واحد بس شهريا ونقى اللى بتحبه براحتك .. عدس - لوبيا - فاصوليا )

- توابل : 10 جنيه شهرياً
( عبارة عن دقيق + ملح + كمون + فلفل + كسبرة + وممكن تديها خل براحتك )

- صابون : 15 جنيه شهرياً
( عبارة عن صابونه واحدة للحمام + صابون مواعين + مسحوق للملابس ( النظافة عموما )

- مواصلات : 2 جنيه يومياً = 60 جنيه شهرياً
( بعد طابور الفرن تركب أتوبيس الهيئة ذهاب وعودة وبهدله لفرد واحد يوميا )

- حلاق : 10 جنيه شهرياً
( عبارة عن حلاقة الشعر + ماكينات حلاقة الذقن ( طبعا متنساش انت جبت صابونه للحمام هى هى الصابونه اللى هتحلق بيها دقنك ( نعيما ياباشا )

- مصروفات مدرسية : 10 جنيه إسبوعياً = 40 جنيه شهرياً
( عبارة عن مصروفات المدرسة + مصروف العيال اليومى + كراسات وأقلام وجلاد ... إلخ )

- دكتور : 30 جنيه شهرياً
( نمرض بالدور طبعا .. عدد أربعة أفراد × مرة واحدة للفرد كل 4 اشهر وربنا يستر )

- أدوية : 50 جنيه شهرياً
( أكيد طبعا العلاج بالدور وربنا يستر واثنين ما يمرضوش فى وقت واحد .. تبقى كارثة )

- فاتورة التليفون : 10 جنيه شهرياً
( اشتراك الهيئة فقط .. هنرد بس ومش هنتكلم .. ماعدش ينفع كلام )

- فاتورة المياه : 10 جنيه شهرياً
( للأسف ده لو فلوسك على أدك ويبقى لازم تشرب مياه ملوثة بالمجارى )

- فاتورة الغاز : 5 جنيه شهرياً
( الحمد لله .. غاز طبيعى .. الله يكون فى عون اللى عنده أنابيب (10 جنيه للأنبوبة) وممكن تطلع فاضية )

- فاتورة الكهرباء : 20 جنيه شهرياً
( لمواكبة التطور .. غساله ملهاش مسحوق .. تلاجة فاضية .. بوتجازيستخدم مرة كل أسبوع )

- قمامة : 10 جنيه شهرياً
( ودى إجبارى طبعا ومن الواضح إن العيشة دى ما فيهاش أكل أساساً .. يبقى القمامة هتيجى منين ؟ )

- بواب : 15 جنيه شهرياً
( ماهو من حقه يعيش هو كمان .. لو عشرشقق يبقى 150 جنية شهريا .. خليه يهيص )

- صيانة : 30 جنيه شهرياً
( لإصلاح الأجهزة بالدور .. غسالة - سخان - بوتوجاز - مروحة - ثلاجة - سباكة - لمبات إنارة .. الخ )

- ملابس : 100 جنيه شهرياً
( عبارة عن الصيفى والشتوى داخلى وخارجى واحذية وشرابات وكلونات واتصرف بقى )

------------------------------------------
الإجمـالى : 1081 جنيه شهرياً
-----------------------------------------

أكيد اللى ها يخليك تعرف تعمل الكلام اللى فوق ده ها يخليك تتصرف وتضغط مصروفاتك شويه علشان تبقى الحسبة 1000 جنيه بس .. أقولك نصيحة ؟ : ما تمرضش وما تخدش أدوية وشيل 80 جنيه معلش ربنا يقويك وينصرك على من يعاديك ويكفيك شر المرض

إيجار الشقة طبعا قانون جديد وللأسف مالهوش قانون .. كل واحد وبخته .. ومش ها نحسبها كل واحد يقعد عند أمه .

وبالمناسبة .. عيد الام ربنا يخليها ويديها الصحة .. كل سنة وهى طيبة

عيد الكحك .. مضر ومالهوش لازمة

عيد اللحمة .. مضر ومالهوش لازمة

حلاوة المولد .. السكر مضر ومالهوش برضه لازمة .. ولو على الحلويات رمضان كريم وخيره كتير

أخ خ خ نسيت احسب زكاة الفطر بس مش عارف هادفعها ولا هاخدها ؟

عموما هاقولكم على قائمة الممنوعات والمحظورات .. متقربوش منها علشان تعرفوا تتنيلوا وتكملو الشهر

ممنوع .. الحلاوة والمربى والعسل والزبدة وكافة أنواع الجبن عدا ما ذكر فى التعيين ( الجبنة البيضا )
ممنوع .. المعلبات .. تونه - بلوبيف - لانشون - سالمون – فول - وطبعا البسطرمة والزيتون والمخللات

أوعى قلبك يحن لعيل من العيال وتجيبله شيبسى ولا بيبسى أو كراتيه ونايتى ولاعسلية ولا بسكوت ولا شيكولاته .. إياك ومنتجات العيال الصغيرين حتى لو حليب بالفواكه أو لبان وجيلى كولا وهوهوز .. حتى الشيتوس يتفرج على الكرتون بتاعه فى التليفزيون ومتخليهوش يتفرج على الاعلانات بين الفاصل

ممنوع اللحوم بانواعها .. البوفتيك والاستيك والرقبة والموزة واللوزة كله كلام فاضى خليك فى تعيينك الاسبوعى .. ومتنساش ان البانيه والفيليه من الممنوعات .. وماتقربش وماتمشيش فى الشارع جنب كنتاكى وهاردييز وهاربيز وتكه ومؤمن وكوك دور .. وإياك من السندوتشات عموما زى الطعمية والبطاطس والباذنجان والحاجات الحلوة دى مش مطلوبه تعملك حموضه وهتحتاج فوار وإحنا ماعملناش حسابه فى مشتروات الدوا .. وطبعا مش محتاج أقولك وافكرك انك ممعكش فلوس علشان يبقى نفسك فى سندوتش فرنساوى مليان كبدة اسكندرانى ولا مخ .

خليك واقعى وانسى المحمر والمشمر واللب والسودانى والتسالى بانواعها والمحمصات والمقرمشات والمكسرات بأنواعها .. بالعربى أنت زى العصفورة تاكل عيش ودنيبة رز وتشرب ميه .. عمرك سمعت عن عصفورة ركبت دش أو وصلت نت او حتى فكرت تاكل ترمس او تشرب حمص كله كلام فاضى ممنوع ياسيد

اهم حاجة ماتروحش لدكتور ومتجبش مدرس ولا ادوية وإياك من المعجنات زى البيتزا والفطائر ومش محتاج افكرك ان البسبوسه والجلاش والكنافة والقطايف والجاتوة والشاتوة والتورت وام على وصوابع زينب ورموش الست والكحك والغريبة ممكن تستغنى عنهم

طبيعى انك مش هتقرب من الفواكهة خالص زى البرقوق والمانجو والبطيخ والفراوله والكيوى والخوخ والعنب والتفاح حتى الكاكا والحرنكش والنبأ والقصب والدوم والتوت ممنوع سيادتك

وطبعا معجون الاسنان والحلاقة والشامبو والبلسم كلها رفاهيات ماليكش فيها زى البصل والتوم والبطاطس كلها أساسيات ماليكش فيها برضه .. وماتنساش تبعت الميل للناس اللى تعرفهم هما اكيد زيك محتاجين شوية نظام مش اكتر هما غلابة .. وفكرهم يقولوا لعيالهم لو شافوا مسلسل فى التليفزيون مليان بهرجه إن دى قصص خيالية كانت فى العصور القديمة فترة من الزمن وإن الواقع زى ماهما شايفيين دلوقتى .
حتى الإعلانات حاولوا تفهموهم إنها مجرد ألوان مبهرة وتكنولوجيا فى علم التصوير وتخيلات ممكن تحصل بعدين زى ماحصل فى امريكا وكندا وفرنسا والمانيا واوروبا كلها .. وان الحجات دى علشان لما الناس دى ييجوا عندنا يلاقو منها ويعرفو يعيشو هى مش لينا دى ليهم هما أصحاب البلد ولازم ينبسطو

عموما لو على الكلام مش هايخلص روح بقى الحق طابور العيش لايفوتك .. تبقى مصيبة لو أنا اللى عطلتك ورحت لقيت الفرن شطب وتقعد طول اليوم تدعى عليا .

( منقول لتعميم حرق الدم )

هههههههههههههههههههههههههههههههههههه
هههههههههههههههههههههههههههه
هههههههههههههههههههههه
هههههههههههههههه
ههههههههههه
ههههههه
ههه
ه
utyutyu

والله فعلا كل الكلام الى انت قلته ده ياmidoooooo

هو الى بيحصل كل يوم فى مصر ومش هينتهى ابدا

بجد والله احييك على الموضوع الرائع دة
وكويس انك جبت حاجه زى دى تسلم

........hany................

إخواتك المسلمين في الصومال يا ميدو مش لقيين الحاجات دي إحمد ربنا علي اللي إنت فيه
دا الفقراء عيال الله والشعب لابد أن يكون فقيرا الفقراء يدخلون الجنة

ايه يا عم هو مفيش حاجه فى البلد عجباكم
احنا بندور على المشاكل ونفضح نفسنا خلى عندك شويه انتماء

فى غلطه كيلو اللبن 3 جنيه

هههههههههههههههههههههههههههههههههههههههه

اشكرك على موضوعك يا ميدو ....... ولكن اود ان انقل لك ياميدو انك لفت انظارنا الى موضوع ارتفاع الاسعار المذهل الذى يعانى منه الطبقة المعدومة فى مصر ولكن اود ان اذكرك الطبقة التى لا تاكل الا من صناديق القمامة 00000 واخيرا تقبل تعليقى المتواضع على هذا الموضوع000000 واوجه لك ولنفسى ولكل انسان يمتلك ذرة من الضمير ماهو الحل؟

اشكرك على موضوعك يا ميدو ....... ولكن اود ان انقل لك ياميدو انك لفت انظارنا الى موضوع ارتفاع الاسعار المذهل الذى يعانى منه الطبقة المعدومة فى مصر ولكن اود ان اذكرك الطبقة التى لا تاكل الا من صناديق القمامةمن يتذكرها 00000 واخيرا تقبل تعليقى المتواضع على هذا الموضوع000000 واوجه لك ولنفسى ولكل انسان يمتلك ذرة من الضمير ماهو الحل؟

دى حسبة واحد اهوجى ياعم ميدو

مش حسبة ناس مثقفة

فى ناس اجرها الشهرى 700 جنية و عايشة تمام وميت فل

وفى ناس اجرها الشهرى 5000جنية ومش مكفيها وبتشتكى من الدنيا

العملية عملية الشكر والرضا لله وحدة

ههههههههههههههههههههههههههههههه
هههههههههههههههههههههههههههه
حلوة يا ميدوووووووووووو
ـــــــــــــــــــــــــــــــــــــــــــــــــــــــــــــــــــــــــــ
شكرا
ـــــــــــــــــــــــــــــــــــــــــــــــــــــــــــــــــــــــــــ
كامل الأوصاف

يا عم...emo.emo (عماد...نقر....) حبيب قلبى

كل الناس عندها انتماء بس لازم البلد ورئيسها يرحموا الناس شويه
لاما يرفعوا من اجوور المظفين الغلبانين دوووووول

قال تعالى : ( ولو أن أهل القري أمنوا واتقوا لفتحنا عليهم بركات من السماء والأرض)

اذا لو اتقينا الله سينزل علينا البركة فى كل مكان

لكن السؤال هنا ماهى البركة؟

البركة هى البركة هي الزيادة والنماء ، والبركة في المال زيادته وكثرته ، وفي الدار فساحتها وسكينتها وهدوؤها ، وفي الطعام وفرته وحسنه ، وفي العيال كثرتهم وحسن أخلاقهم ، وفي الأسرة انسجامها وتفاهمها ، وفي الوقت اتساع وقضاء الحوائج فيه ، وفي الصحة تمامها وكمالها ، وفي العمر طوله وحسن العمل فيه ، وفي العلم الإحاطة والمعرفة .. فإذاً البركة هي جوامع الخير ، وكثرة النعم ، فلا غرابة بعد ذلك أن نجدنا نطلب البركة ونسعي إليها.

واخيرا تقبل تحياتى ........وبعد كدة لما اجى عندكم ياميدو هجيب الشاى بتاعى معايا.

بطل بقى بلااااااااااااش
فضليح يا بتاع البغل انت.......هااا

مش هتلاقى مكان تانى تتعشى فيه غير عندنا......ولا ايه

ايه ده يابنى

ههههههههههههههههههههههه
ايه الحلوه دية

والله يا احمد في ناس بتعيش ب 200 و 300 جنيه

مشكور علي الموضوع

والله يا أحمد أنا مش عماد النقراشى

ماشى يا احمد انتى بتفضحنى علشان شوية سندوتشات وكمان من عند البغل

شكرا ههههههههههه

والله انا ممكن استغنى عن حاجات معينه مش بحبها زى اللبن والسمك والشاى يعنى كده
ده انا بتكلم عن نفسى بس يعنى 1000 جنيه دى مصروفى الشهرى ليه بس وانشاء الله
يكفينى بس هاتهم انت بس وملكش دعوة بالباقى هصرف نفسى

اولا احب اشكر احمد فوزى على الموضوع الجميل
والله انا شايف ان كلام احمد صح الراجل الى عندة اسره 3000 شهريا ممكن يكفوه وممكن لالالا
انا نفسى اقوول كلمه من زمان ....على الدنيا السلام سلامى للجميع

مين دا بقى الى بيعيش ب200 جنية دى بقى احسبة وابقى عليها يا فالح دا ميكفوش موصلات الفرد لحد ابو خميس

احسبها وقلى

وظايف خالية بمرتبات مغرية تبدأ من الساعة 8 يخلص الساعة8 ب250 يابلاش للاستعلام اتصل على الخط الساخن جدا و الدقيقة ب1.5 حد عاوز يتوظف (مش هتقدر تغمض عنيك)

[img]

؛؛ لو شاطر..تعرف تعيش فى مصر ب1000 جنيه فى الشهر!!!! 552531173

[/img]