موضوع كوووول !! اخر حاجه...

عاش الطالب يوم ما قال للعلم كفاية خلاص

أنا زهقان سيبني بقى وكفــــــاية كلام هلاس

وسمعناه بيقولها قوية في الأعدادي و في الكلية

البانجو ده جوه الجول والموزة مع المحمـول

هاتعلم ليه ما خلاص في العلم بقيت مذلــــول

غنوا معايا..قولوا ورايا..عاش الطالب المصري عاش

عاش العامل يوم ما قال أنا عايز شيشة و شاي

فين المصنع أنا مش عارف فـين وهاروح إزاي

وسمعناه بيقولها قوية شرب الشيشة ده حق عليا

الشيشة دي شئ مشروط بيخلي الكيف مظبــوط

أنا عايز أعيش وأرتاح من غير ولا صوت ولا موت

غنوا معايا.قولوا ورايا..عاش العامل المصري عاش

عاش الجندي يوم ما قضَـى جيشـــه في ذل وخــوف

أنا في حياتي ما شفتش زيه و أبداً مش راح أشوف

وسمعناه بيقولها قوية: ذل بـلادي ده فرض عليـــــا

الذل ده شئ موصوف في الجيـــش بندوقــه ألـــوف

من غير ولا ليه ولا إزاي الجندي بــيــرضع خــوف

غنوا معايا..قولوا ورايا..عاش الجندي المصري عاش

عاش الفلاح يوم ما بات للبنك كتـير مـــديـــون

بارت الأرض وصبح الفلاح جوة طرة مسجون

وسمعناه بيقولها قوية فقر بلادي ده صنع أيديا

الفقر ده شئ مدسوس للشعــب وشئ مدروس

والشعب يعيش إزاي من غير ما يكون منحوس

غنوا معايا..قولوا معايا..عاش فلاحنا المصري عاش

عاش الشعب يوم ما راح يستفتي ع الدستور

شوية زيت و شوية رز و تقدر تطفي النــــور

شعبنا أصله روحه أبية بس الفقر ده حاجة رزية

الشعب ده صار مذلول و أهو ليل ونهار بيقــول

إزاي يا جمال ها نعيش من غير الزيت والفول

غنوا معايا..قولوا ورايا..عاش الشعب المصري عاش

تحياتى

موضوع جميل واسلوب اجمل
تسلم ايدك
نتمنا منك المزيد والمزيد

موضوعك جميل جدا زى ما انت عارف بقى..

موضوع حلو بس الفقر مش مدسوس علينا السلبيه هى الى مدسوسه علينا

ايوه ياعم ميزو لازم شوية تفاؤل الله يخليك الناس مش ناقصة غم على العموم الكلام واقعي
موضوع جميل

اية الموضوع دة
بصراحة موضوع كووووووووووووووول اخر حاجة
ههههههههههههه
تسلم ايدك على الموضوع

ههههههههههه
موضوع كوووول اخر ثلاث حجات
واحد شخصيتك المختلفه
اتنين اسلوبك فى الكتابه
تلاته حط دى تحت لسانك بوسه هههههههه