الحياه البسيطه
يا حلاوة الحياه البسيطه
لما تكون من غير زيطه
مع ناس حلوه بيحبوك
يحترموا خالك, عمك وابوك
تقوم من النوم على طول تصبح
على اهلك واصحابك وجيرانك
طبليه وقله وكمان كوز
وطبق الفول معمول علشانك
ومعاه ايه استنى يا ولدى
احلى فطير بالسمنه البلدى
وعم محمد بالخرطوم
يرش الارض طول اليوم
وعم حنا دا راجل زين
فلاح صح عليه العين
والخاله سعاد نازله السوق
تجيب الخص مع البرقوق
والواد صلاح بن عم فخرى
طاير على المدرسه بيجرى
تلبس انتا وتنزل شغلك
تلاقى ام حسين تندهلك
يبعد عنك طريق الندامه
ويجعلك فى كل خطوه سلامه
الله عليك يا شعب النيل
حياه بسيطة وبال طويل
ما يهمك مال الغير
طول مالقوت والصحه بخير
لو فرنسا تدينى قصر
اختار اعيش بين شعب مصر.
_____________________
