سلامة مرارتك يا ريس

[font=Impact][b]سلامة مرارتك يا ريس
................................

سلامة مرارتك
يا فاقع مرارة مرات الفقير
فلا جوزها جايب
ولا الفقر تايب
ولا حتي سايب
مَيَّة في قُلة
ولا كوز في زير

سلامة مرارتك
مرارة العُـزاز
وإيه يعني إحنا
ما نِوْلع بجاز
إنتَ الحقيقة وإحنا المجاز
تفضلْ وييجي بدالنا البديل
شوية خباثة
وعوامل وراثة
نصبح بهايم ... ونصبح بديل
فتقدر ساعتها تنام مَلو عينك
و يعلى الشخير

سلامة مرارتك
سلامة المرارة
يا واقع علينا بسعر الخسارة
فلا فيه صناعة
ولا فيه تجارة
ولا فيه مدير
ولا فيه إدارة
ولا فيه وزارة تسيب الوزير

سلامة مرارتك
فداها المواطن
أبو قلب راطن كلام الهموم
فلا نفس راضية
ولا جتة فاضية
بلاوي وسموم
ولا علاج مداوي
مفيش غير حكاوي
بتاخد بإيدنا لآخر المصير

سلامة مرارتك
وألفين سلامة
يا سايب في كل المنازل علامة
مجاعة ... أنين ... كآبة ... ندامة
جهل وبطالة وعوالة وعيا
وفنون رخيصة وقِلِّة حيا
وهموم بتكتر ... وهموم تزيد
إنت في زيادة همومنا خبير

سلامة مرارتك يا ابو القد فارع
يا مالي عنينا بزبالة الشوارع
أمال بندفع ضرايب لمين
شمالك بتاخد ...
وواخدة اليمين
شكلك بتحلف علينا اليمين
ما تجعل في جيبنا قليل أو كتير

سلامة مرارتك
دي واخدة الحصانة
بنشقى وتاكل علينا شقانا
لا خلِّيت أمامنا ولا فيه ورانا
ضرايب ... عوايد ... فاتورة ... رسوم
ننام بالفاتورة
وبيها نقوم
على البصَّة ندفع فاتورة لعِنينا
ولو نعمى ندفع فاتورة ضرير

سلامة مرارتك يا صاحب الهمم
بخطبة بنطلع لأعلى قمم
وننزل على جدورنا بين الرمم
على الوهم ياما وياما بنينا
أوامر تجيبنا
أوامر تجينا
على خطوة واحدة في محلك نسير

سلامة مرارتك
إحنا فداها
تفرقع مرارتك
نفرقع وراها
حالنا بدونك عمره ما ماشي
إحنا بدونك شوية مواشي
من غير راعيها ... ومن غير كبير
سلامة مرارتك
...................

حقيقى وبجد لما تقرأ اى حاجة من كتابات الرائع والعظيم الشاعر/أحمد فؤاد نجم - تشعر ان مصر لسه فيها راجل بجد .

الحمد لله علي كل حال
ده ريس جميل وعال العال
وطول عمرة يخدم بذمة وضمير
بس أحنا لازم نقول البديل

يا جماعة هو كله ضرب ضرب مفيش شتيمة
اية دة يا عم سامح انا هجبلك عيش وحلاوة إنت وميدو وهاجي ازوركم
انا بقول كلام حلو انا مش معاكم أنا مع الناس التنيين

السادة مشرفو المنتدى
قصيدة سلامة مرارتك نقلت على أنها لأحمد فؤاد نجم وفي الواقع هي قصيدتي والتي قمت بنشرها على عدد من المواقع منها أبناء طيبة ودنيا الوطن وأزهار البدر ، كما نشرت في (جبهة إنقاذ مصر ) ، ( منتديات الجولان ) ، (قاسيون)، (أخبار العرب _ كندا ) ، ( أهل القرآن ) ، وغيرها من المواقع ، ولكن من الواضح أن هناك من نسبها عن عمد لأحمد فؤاد نجم . ذلك لأني حرصت هذه المرة على كتابة اسمي تحت عنوان القصيدة ، ولم أكتف بالاسم الذي يسجله الموقع جانبا _فإذا قام البعض بنقل للقصيدة يكون الاسم جزءا من النص المنقول ، حتى لا يتكرر الخطأ الذي حدث من قبل مع قصيدتي ( طاطي راسك ) والتي نسبت إلى أحمد فؤاد نجم أيضا ، والتي أنكر الشاعر نفسه نسبتها إليه في أحد أعداد جريدة أخبار الأدب المصرية .... أرجو تصويب الخطأ حفاظا على حقوق الملكية الفكرية .

دكتورأبو زيد بيومي _ عضو اتحاد كتاب مصر[b][center]

[color=blue]
دكتور / ابو زيد بيومى

ازداد منتدانا شرفا بتواجدكم معنا . وللتوضيح القصيدة موجودة فى اكثر من منتدى باسم الشاعر / احمد فؤاد نجم . ولكن اذا كان الامر كما قلتم فمن حقكم علينا وكما اوضحتم سلفا من اجل الحفاظ على حقوق الملكية الفكرية ان نرد الحق فى هذا الى اصحابة وكذلك لا يفوتنا ان نشيد بمجهودكم الرائع فى كتابة قصيدة بهذة الروعة وتلك ليست بجديدة على احد اعضاء اتحاد كتاب مصر البارعين

تحياتى وننتظر المزيد من اسهاماتكم الجديدة وافكاركم الجيدة للرقى بالمنتدى وازدياد الوعى الفكرى لدى الاعضاء ..

[b] وحشتنى يا سموح عامل ايه يا توب الموضوع قنبله من القنابل السمحونيه العطوليه القاتله ازدنا يا سموح واضرب بقوه لتتعالى الاصوات
دكتور ابوزيد ناسف لهذا الخطا .......... اسمح لى بسوال كيف تسمون اتحاد الكتاب باتحاد كتاب مصر ؟ وهو فى الحقيقه اتحاد كتاب الحزب الوطنى ....هذا الاتحاد الذى ذبح اليساريين واحرق الناصريين وطحن الاسلاميين قانون الاتحاد لا نشر فى العام الا لحاشيه الوطنى اتمنى ان تستقيل منه تحياتى للجميع