اسف علي فترة الغياب

اولا احب ان اسلم كل اعضاء المنتدي وكل اهل البلد طبعا

وارسل تحياتي للجميع

ثانيا وهو الموضوع اللي انا حبيت اعرضوا عليكم

يااخونا عاوزين نشوف احنا ماثرين بجد ولا

ما تقييمك في من يمثلون القرية في كل النواحي

اليوم سنكتفي بعدد قليل بحيث نستطيع التقييم

اولا عمدة القرية

ثانيا شيخ البلد ( او شيوخ البلد لانهم اكتر من واحد )

ثالثا اعضاء المجلس المحلي

سنكتفي بدول علي وعد بااني اكمل في مرات قادمة

بس ياتري هل الناس دي بتقوم بواجيبتها تجاه البلد

ولا مناصبهم مجرد لقب بيسبق اسمهم

وشكرا

farao

أولا مرحبا بك أستاذ إيهاب بالمنتدى مرة أخرى

أما عن رأيى بالساده الكرام اللي ذكرتهم

فلكوني مغتربه سأحكم عليهم من خلال الفتره القصيره التي أقضيها بالبلد

واللتي خلالها لم ألاحظ أي تغير بأحوال القريه سواء هذا العام أو العام الذي قبله

الشيء الجديد الوحيد اللي شفته هو الطريق المؤدي للمقابر ونشكر من هم وراء أتمامه

ونقول للجميع إن هذا البلد يحتاج إلى الكثير من الجهد والعمل الجاد

ونقول لكل صاحب منصب أي كان منصبه أتقي الله وأنتهز فرصة وجودك بهذا المنصب وقدم للناس ما تسطيع من خدمات

أمنحهم الفرصه ليذكروك بالخير أثناء وجودك وبعد رحيلك من هذا المنصب .

عودا حميد يا أ/ايهاب

معلش انا قبل ماأجاوب على السؤال بتاعك انا عايز اسألك سؤال

هو فية عمدة فى البلد أوشيوخ؟

انا اخر حاجة سمعتها عن العمدة وحاشيتة
انهم حطوا تسعيرة لشوية حجات

منها القلم على الوجة= 1000جنية

السب او الشتيمة=250
.......................

واخيرا شكرا ليك مشرفى وحمد الله على السلامة

شكرا لمروركم الكريم

بس احب اعرفكم انا طارح الفكرة من حيث اننا نقييم الناس دي بحيث نعرف مين

اللي شغال علشان نساندة ونقف جنبة ومين اللي مش شغال

علشان نشوف حد اكفء مكانه

مع العلم طبعا اني بعيد عن البلد بقالي سنتين ومعرفش ايه اللي بيدور وايه الجديد

يعني بسهوله كدة طريق المقابر اول مرة اسمع عنه الان

يعني مش قاصد اني اشكك في حد ولا حاجة بالعكس فكرة الموضوع هي التقييم

سواء اذا كان ايجابي او سلبى

ومرة تانية اشكر مرركم الكريم

واتمني ان نسعي جميعا في رقي هذة القرية

farao

اشكرك اخ ايهاب ع الطرح المميز
والتزامح واحترامك للاخرين

من وجهة نظري ان قرية عطاف صورة مصغرة للواقع في مصر عامة

لا نريد ان نلقي باللوم ع المسئولين فقط ونبرئ انفسنا ولا العكس
فقط نتعاون ونكون ايجابيين

وانا ملاحظ فية تطور واضح في كل المجالات للقرية دون مجاملة لاحد حتي ولو فية نقص

موضوعك طيب ويعبر عن عمق اخلاصك

بداية اتقدم اليك بالتحية اخ / ايهاب .. وحمدا لله على رجوعك من الحجاز بالسلامة هههههههه

ثانيا / بخصوص الاخوة الذين طلبت تقيمهم فسوف اذكر لك موقف بسيط معنا حصل كان جارنا الله يكرمك عامل ( كوم سباخ ) واعتذر على اللفظ قدام البيت والدى رفض دا وراح للعمدة يقدم بلاغ فما كان من العمدة الا استدعاء الاثنين ولعلاقات الجار بببعض الخفر مش هتصدق خلاه يجلس جنبه على كرسى ووالدى دخل الحجز ساعة لما اعترض وعلى صوتة ووقتها والدى عمل بلاغ فى العمدة لحد ما تم التراضى

موقف ثانى كنت شارى حتة ارض وصاحبها عاوز يرجع فى البيع ومفيش فى العقد شرط جزائى وكالعادة رحنا للعمدة فما كان الا ان عملنا قعدة صلح مكونة من شيخ البلد واخرين وكان الحكم مضحك بان يتم دفع فرق خسارة ذهب زوجتى اللى اتباع اثناء عملية الشراء ونرجع نشترية وعشان خاطر احنا ولاد بلد واحدة واهل لازم تتصالح وتتراضى وانت متعلم يبقى لازم تكبر دماغك شويتين .

هذة مواقف حدثت لكن بالنسبة للتقييم فلست انا من يقوم بتقييم هؤلاء يفصل فى هذا من هم موجودين بالقرية او اصحاب مواقف مماثلة حدثت حتى لانظلم احد او نرميهم بالباطل

لو كل ما تغيب هترجع بموضوع زى دا ياريت تغيب سنه وترجعلنا بسرعة . وخلى بالك هتنزل الاجازة ممكن يطلعوك النخلة ..... تحياتى
.. تحياتى

ولية يطلع النخلة الى بيزهق دلوقتى بيطلع على العطافى ابو سعيد وهناك يعمل الى هوا عايزة من غير اما حد يشوفة

والله البلد فيها ناس زى الفل

بس زى ما فيها الحلو فيها الوحش

اذكر نااااااااااااااااااااااااااااس معيينين

بيجروا ورا اعضاء مجلس الشعب مش علشان مصلحه القريه ولكن من اجل مصلحه شخصيه

( تصريح مبانى مثلا ....... حاجات من ذلك القبيل .............. وطبعا انتوا فاهمين قصدى

وابقوا قابلونى

كرومبوووووووو

قبل شهر بالتمام لاحظت بالقرية الإيجابيات التالية :ـ
ـ تحسين تنقية مياه الشرب إلى مستوى ممتاز.
ـ رصف (غير مكتمل ) لطريق المقابر وقد أفاد الأستاذ/ سمير أبو العينين باكتماله في خبر لاحق.
ـ الجدية والتطور الرائع في جمعية تنمية المجتمع، وأخص بالذكر المستوى المذهل الذي يثلج الصدر لأطفال الحضانات.
وبالتأكيد أن هناك الكثير من الايجابيات في نواح مختلفة لم ألاحظها لضيق الوقت، لكني أذكر ما شاهدته بعيني فقط للأمانة.

كما لاحظت السلبيات التالية :ـ
طفح المجاري المستمر ... مما دعاني لسؤال أحد الإخوة عن تشغيل خط الصرف الجديد ... فأجاب : الخط الجديد لسة قدامه بدددددددري ... وبعدين جديد أيه يا عم .... دا الخط القديم أحسن منه 100 مرة ... دا عمال المشروع كانوا بيبيعوا الأسمنت بربع الثمن لأهل القرية !
لأهل القرية ؟؟؟؟؟؟؟!!!!!

وأضاف المصدر أن الأخ / الناجي أبو علي هدم أحد التفتيشات (المسلحة) ذات يوم بركلة خفيفة من قدمه أمام الناس متسائلا عن الأسمنت الموجود فيها !

أما عن مواسير مياه الشرب التي يتم الآن وضعها بالطريق السريع فقال آخر بأن هذه المواسير مصنوعة من الزلط ومطلية بطبقة مش عارف أيه لذلك فهي صالحة فقط للأغراض التي لا يضر معها نمو الطحالب والفطريات بداخلها كأغراض الري والصرف ونحو ذلك. وهذا الرأي هو ما أدى إلى إقالة المهندس المحترم الذي رفض اعتمادها ... وحل محله المهندس إبليس !

فكيف ترون دور رجال المجلس المحلي من خلال ما تقدم، ومن خلال ما تضيفونه من معلومات ووجهات نظر أخرى ؟

أما عن السيد / عمدة عطاف ... فهو برأيي شخصية محترمة .... يفقد تأثيره لإقامته خارج القرية .... ولسوء اختياره لمستشاريه ومعاونيه.

أما عن شيوخ القرية ... فالمشيخة هنا تعني الحكمة ... فهل ينطبق هذا على كل المشايخ الموجودين ؟! أنا لا أعرف معظمهم ... ولم أسمع بأن لهم دورا في حل أي مشكلة .. فهلا عددناهم أولا ؟ مع ذكر أي موقف أو مشكلة ساهموا في حلها إن أمكن ؟
سقى الله أيام زمان ...

تحياتي لكم جميعا

اهلا ومرحبا بك من جديد اخ ايهاب

صراحة موضوع ممتاز ان نميز بين المسئولين على القرية

تقديرى 0 %

تقدير كويس مش وحش يدل على ان فى تغيرات هتحدث ان شاء الله بس لما يتنقل البحر من مكانة

الله يرحم ايام زمان

وقول للزمان ارجع يازمان زى زمان

شكراااااااااااااااااا اخ ايهاب

عودا حميد استاذنا المبجل ايهاب ...........مشكور علي مثل هذا الموضوع
إن عمليه تقييم شخص من شخص اخر تبني علي معايشة الظروف التي يمر بها والمواقف التي يتعرض لها .ولكني حين اتكلم فان التقييم يكون من باب ما يجب ان يكون بمعني ان هؤلاء الا شخاص الذين تنصبوا تلك المناصب من ابناء القريه وتنصبوها بناءا علي رغبة اشخاص من القريه ولكن لابد لهم من ان يدركوا انهم حين عينوا كان الامل علي انهم قادرين علي ادارة امور البلده وان لديهم الخبره والقدره علي الفهم الدقيق للامور حتي يستطيعوا حل مشاكل القريه التي لا تقتصر علي كونها فضاً للمنازعات الداخليه ولكن الامر يتعدي حدود القريه فللاسف الواضح ان مرافق القريه مهدره وان المسئوليه مهمله وكأن شيئاً لم يكن .فمنذ زمن ونحن نتكلم عن تحسين المرافق ولكن كيف يتحسن المرفق ولا احد يتحرك ويحمل المسئوليه وحتي لانحملهم بما لا يطيقون ونكون منصفين عليهم ان يباشروا الامر ويقوموا بتوزيع المهام فاعتقد بل اثق انه لا يوجد احد يكره الخير للقريه ولكن لابد من تحرك والتحرك ياتي من اصحاب الكلمه .لا اريد ان اتكلم كثيرا ً عن المرافق فالسأل اعلم من المسئول . واعتقد ان المراد والتقييم فهم مما سلف واتمني لهم التوفيق ومراجعة الامور والوقوف علي السلبيات ومزايدة الايجابيات حتي ننعم بالخير جميعا ونصل بالقريه الي نهضه تليق بابنائها ومشايخها فهذه رغبه لا تتعدي ذلك لانه اولا واخير هؤلاء اباؤنا واهلينا في هذه القريه ...............والسلام عليكم ورحمة الله

[b]

السلام عليكم ورحمة الله وبركاته
ايه ياعم الموضيع الجميله دى بجد اشكرك على الموضوع الحلو ده
اجمل حاجة شيفه بجد فى عطاف جمعية تنمية المجتمع والدور الجميع من الاستاذ/ سمير ابوالعنين واشكره على المجهود الكبير اللى بيعمله فى جمعية تنمية المجتمع

العيب فينا ولا فيهم

لان احنا اللى بنختارهم يبقى منجبش اللوم عليهم ولو شايفين احسن منهم كان تم اختيارهم

وبعدين البلد زى الفل والشباب مبسوط والحياة جميلة بتعقدوها لية

وسلامى ليك يا ايهاب

أنا شايف أن كل حاجه زى الفل خالص