يعنى اية ( كوك زيرو )

الناس كلها بتسال.


كوك زيرو:
مش إن أبوك يا خدلك أرض فى الشروق ويطلع تحتها بترول(لالالالا)

ولا إنك تقابل بنت ع الشات وتطلع بجد بنت(لالالالا)

مش دى كوك زيرو!!!؟

ولا إن مراتك تتصل بيك وأنت بتلعب بلاى ستيشن مع أصحابك وتقولك"كام كام يا حبيبى"!!!!!!!!!!؟

لالالالالالالالالالالالالالالالالالالالالالا

أنا عندى الجواب بعد التفحيص والتمحيص والدراسة أقدر أقولكم يعنى إية كوك زيرو!!!؟

كوك زيرو: يعنى إن الحكومة تدرس استيراد الغاز ,فى نفس الوقت اللى احنا بنصدرة لإسرائيل.(حاورينى يا طيطة).

كوك زيرو: يعنى إنك تختار السودان علشان تلعب فيها ماتش فاصل(أشقاء وكدة يعنى)والسودانيين يشجعوا الجزائر!!!؟

كوك زيرو: يعنى إن طوبة تكون سبب فى عزل اتنين من المحافظين!!!!؟

كوك زيرو: يعنى إن ولامؤاخذة (جاموسة) تكون سبب فى اقالة وزير النقل بجلالة قدرة

كوك زيرو: يعنى إن جندى مصرى مسلم يقتل على الحدود بايد جندى مسلم فلسطينى (فلتحيا العروبة)

كوك زيرو: يعنى إن موظف فى اتحاد الكورة يقبض مرتبة فى أول شهر 400 جنية وبعد سنتين يكون مرتبة 15000 جنية(أوعدنا بشغلانة زى دى يا رب)!!!!؟

كوك زيرو: يعنى إنك تمشى فى شوارع المحروسة تلاقى العيش ع الرصيف والجذم فى الفاترينات (يبقى أنت أكيد أكيد فى مصر)؟

كوك زيرو:إن الريس يسأل محافظ الغربية (بلدك إية؟)ويرد علية المحافظ ويقولة ( اللى تشوفة سعادتك دى الغربية بتموت فيك ياريس )

كوك زيرو: يعنى أن تمتلك مصر أسرع قطار ف العالم,لا مش الصعيد ولا العياط,هو قطر من (القاهرة للجنة عدل )

كوك زيرو: يعنى إن مصر تتقدم صناعيا وعلميا وتنتج أول أستيكة مصرية( والله براوة يا عمدة )!!!!؟

كوك زيرو: يعنى إن معظم الهاربين بفلوس مصر للخارج كانوا بيعملوا لنا موائد الرحمن وأتارى إن احنا اللى كنا عزمنهم.!!!؟

كوك زيرو: يعنى إن مصر ليست مملكة ولا يورث فيها الحكم,وعلى الرغم من كدة......(كملوا انتوا بقا)!!!؟

وهى دى العيشة مع كوك زيرو!!!؟ حد عرف يعنى ايه كوك زيرو [b][/font]

ممكن يا استاذ سامح نشرب سفن اب او بيبسي مكس وجهز نفسك للذهاب وراء الشمسوبعدين معك يا اسيدى الفاضل شكلك هتحبسنا تانى وانا قفايه لسه مطبش من الموضوع الاولانى وتقبل تحياتى

أ / نبيل الشريف
أ / محمود فوزى
أ / MIDOOO
اشكر مروركم الطيب بالموضوع واثراءة بتعليقاتكم الجميلة .. الموضوع مش اكتر من نقد ساخر للاوضاع المزرية فى مصر والتى تمتد اثارها الى القرى البسيطة مثل قريتنا واهلها الغلابة الطيبين

وبعدين اذا كانت الكوكا هتعمل فينا كدا فما بالك بالفانتا والبيبسى والسفن
احترسوا السفن والفانتا خطر ... ههههههههههه
تحياتى [/color]

مواضيع حضرتك فى السياسة بقت كتيرة
بس مفيش اروع من كده
شكلهم كده مش واخدين بالهم انك بتتكلم فى السياسة
بس بجد انا عمرى ما قريت مواضيع بالجراة والروعة دى
تسلم ايدك

طيب ما هو الحل الحل ان ننتقد وفقط ام اننا ناخذ خطوة عملية الى الامام خطوة معها التغير الى الافضل ثم نرجع ونقول ماهو السبب فى هذا الفساد اهى الحكومة حقا ام الشعب ثم اسالكم جميعا لو ان واحدا منكم عرض علية شىء ليس من حقة وليس احق بة ومع الوسطة سياخذة هل سياخذة ام سيتركة واذا اخذة هل سيكون الرجل المناسب فى المكان المناسب هذا هو سبب فساد البلد عضو ليس احق بالعضوية رئيس ليس احق الرئاسة بلد يغلب غليها سؤ الادارة فما هو المنتظر وفى الاخير ادعوا اللة ان يفرج عنا

كوك زيرو يعنى ان احنا بنوجع قلبنا ونتكلم وفى الاخر مابنسمعش
غير صدى صوتنا ..........دا ان لحقنا نسمعة.



شكرا على الموضوع اللى كلة صودا

شكرا لك أ/سامح

الموضوع روعة من كاتب سياسي

كوك زيرو
لما الكل يشتكي ويستنكر وويرفض ويسب وتلاقي نتيجة الاستفتاء ع الرئاسة 99.9%


كوك زيرو
لما يكون فية اسفلت في الشوارع في عطاف وتاني يوم تلاقي حفر للصرف والمية ....و>>


كوك زيرو
لما خط طريق عطاف دمرو ياخذ حوالي 3سنوات رصف ومحدش يعرف هيخلص امتى

كوك زيرو
لما الواحد يجلس يتكلم ويتكلم ويسب ويلعن في الاخر يقولك عملت المطلوب مني ضميري ارتاح

والله شكلك هتلبسنا اسود كلنا

هنيجي نزلين في المطار هيقول اي حد من عطاف يركن علي جنب

وهما هيعرفونا بقي يعني ايه كوك زيرو

وقتها بس هتعرف يعني ايه كوك زيرو

موضوع اكتر من جميل بقينا في اشتياق لقرأة موضيعك

تقبل مروري

when u visit hospitals............. and see leukemic pationts suffer more and more from
chemotherapy and no one from healthy people try to help them and make bone marrow transplantaion.....that is coca zero
عندما تجد مرضى سرطان الدم يعانون من الادويه والعلاج الكيماوى ........... ولا تجد احدا من الاصحاء يتبرع لهم بالنخاع ويساعد فى رحمتهم من الالم............... هو ده الكوك زيرو
موضوع رااااااااااااااائع يسلموووووووووووووو

ايه الجمال دا يا اكس انا بكلمك من موسكو واحشنى يا سموح يا ريت تستمر كما كنت فى المواضيع الحرشه التى لا يكتب بها غيرنا خلى بالك امن النت المصرى عملك ملف انا وانتا وكمان شويه رجاله خد بالك يا زعيم الله معك

من غير زره سكر
وبنفس طعم الكوكا

where are you

موضوع جميل جدابس نصيحه
متتكلمش في السياسه كتير
ده لمصلحتنا علشان المنتدى ميتشمعش