( عاشق ) تخاريف قلم

عاشـق.. دخلت حزب العاشقين.. مع ولاد البلد الشقيانين..
عاشـق.. وعـشــت عــمـرى مــع الغـلابــة المـقهـوريـن..
عاشـق.. وبـقــيــــت فـــى حـبــك م الـسـهــرانــيـــــن..
عاشـق.. تـــرابــك اللــى ارتــوى بــدم المـجــاهـديـــــن..
عاشـق.. حــواريـكـى بنـــاسهــا الجدعــان الطـيـبـيــــن..
عاشـق.. الشـعـــب ابــن النـكـتـة الـمهمـوم الحــزيـــــن..
عاشـق.. مـصـــر بــلــد الــمـؤمـنـيــن.. الـصـابـريــــن..
عاشـق.. وبـيـحـكمـك ظـالـم مهين .. مع شلـة نصابـيــن..
عاشـق.. واللـى قاعـد علـى قلوبنـا حـلـيـف الشياطـيــن..
عاشـق.. ووراكــى شــويــة عــصـبــجـيـة فـاسـديــن..
عاشـق.. وحكومتك كـلهـا رجـال أعمـال مـبـسـوطـيـن..
عاشـق.. ومـش فى الحـزب الوطنى اللـى كلـه طبـاليـن..
عاشـق.. والـحـراميـة هـبـشـوا المليـارات والمـلايــيــن..
عاشـق.. نيلـك اللى لوثه مخـلفـات مصـانع المسنـوديـن..
عاشـق.. والمهزلة أن بيزرع أرضنا الصهاينة المجرمين..
عاشـق.. والـنـظـافــة سـايـبــه الـزبـالـة فـى المـيـاديــــن..
عاشـق.. وغيطانك بيــروها الصرف الصحـى المتيـن..
عاشـق.. وولادك جـعانـيــن..عـريـانـيـن.. وتـعبـانـيــــن..
عاشـق.. المصرى أبو سمرة اللى صــار م الـشحاتيــن..
عاشـق.. والـمـخـدرات سـطلـت الـنـاس الـمـهـمـومـيـن..
عاشـق.. والــبـطـالــة خــلــت شـبــابــك ضــائـعــيــــن..
عاشـق.. اللـــى غــــرق مـــن ولادك الــهــربـــانيــــن..
عاشـق.. المعتقـليـن اللـى زحمـوا السجـون والزنازين..
عاشـق.. وبيعتبرونا بتوع الوطنى من عبيدهم الطائعـيـن..
عاشـق.. وقريب هنصرخ بـ لأ.. صرخة تهـز الظالميــن.

والله ياقلمى شكلك مش هتجيبها البر ... ونهايتنا كدا هتسبنى وتجرى وتقولى انت حر ..
بالعند فيك هاكمل واكتب واخطط .. .. ولما كلامى يسمع انا هارقص واتنطط...

عموما دى كلها تخاريف قلم وماحدش هيسمعك .. عندكم عشا ولا نجيب عشانا معانا ... دا أنا غلــــــبان
[/font]

تـــرابــك اللــى ارتــوى بــدم المـجــاهـديـــــن

مشكوووووووووووووووررررررررررر اخ سامح

اشكر مرورك الكريم اخى الفاضل / محمد السعيد

كلمات اكتر من رائعة ومش تخاريف ولا حاجة
جريئة جدا
تسلم ايدك

يا استاذ سامح كلمه وانا قولتها لحضرتك احنا اخرتنا ايه انت عارف علشان مبقاش مشترك معاك علشان انا عايز اعيش ياعم الحاج وربنا يستر وعلى العموم العيش كتير هناك واحنا كلنا غلابه وشكرا على الموضوع الجميل ده وربنا يستر تقبل تحياتى

جزيل شكرى للجميع

ا / نبيل .. اخرتنا انت عارفها فقول الحق وخليك جرئ وقول بصوت عالى يسقط الاستقلال
هههههههه

اشكرك اسيرة الاحزان برنسيسة المنتدى ومرسى لذوقك
يابرنسيسة يابرنسيسة
هههههههههههه

الحكومة ____ خليك مكانك اوعي تتحرك ___الأخ سامح ____ إحنا بتوع الأتوبيس
أحسنلك أوعى تنزل مصر هتقول النيل أبقي روح السودان هي بردة فيها نيل
رجاء من الإدارة شطب الموضوع لإن شكلنا كده هنروح مارينا
موضوع جميل تسلم إيدك

أ / محمود رجب عبد الراضى
اشكر مرورك الطيب
وبعدين لو الموضوع هيودينا مارينا يبقى احنا نلحق نجهز لبس البحر

احانا اضرنبا واتهنا بس كنا رجالة ووقفنا واقفة رجالة .. محمود ابو سويلم ( فيلم الارض )

ههههههههههههههههه
على فكرة المواضيع السياسية جميلة جدا
للاسف مفيش حرية للتعبير عن الراى
بس بجد مواضيع حضرتك جميلة جدا لانها جريئة
والمفروض حضرتك تشتغل فى الصحافة

اشكركم جميعا على ردودكم الرائعة

يا اخوانى انا زى الشمعة بتنحرق علشان تنور لكم .

ومن اجلكم رشحت نفسى

اخى الناخب اختى الناخبة / علم على الطربوش مش القفص

ولما تنطفى مين الى علية الدور نحرقة قصدى يتحرق

وسمعنى سلام اة يالالىىىىىىىى

عاشـق.. وقريب هنصرخ بـ لأ.. صرخة تهـز الظالميــن
بنصرخ من زمان بس بردو مفيش فايده تقريبا عندهم ضعف سمع
موضوع رااااااااااااااااااااااااااااائع............ يسلمو ايديك