رقم محمول … الرئيس ..!!؟

رقم محمول … الرئيس ..!!؟

أشارت
مجموعة منتقاة من خبراء الترويج والعلاقات العامة علي أحد الرؤساء العرب
أن يقوم بنشر رقم تليفونه المحمول في جميع وسائل الإعلام لتحسين صورة
الرئيس وزيادة شعبيته والتي أظهرت إستطلاعات الرأي أنها في تآكل مستمر
….وافق الرئيس علي مضض وعلي أمل أن يحدث التواصل المطلوب بينه وبين أفراد
الشعب ويتعرف بنفسه علي مشاكلهم وسبب عدم رضائهم عنه رغم
مخاوفه الشديدة من كثرة التليفونات وإمكانية تعرضه لمكالمات غير لائقة من
مغرضين ومندسين بين صفوف هذا الشعب المدهش المطاوع المسالم المهاود …
بمجرد أن وافق الرئيس تم عمل حملة إعلانية ضخمة وغير مسبوقة في طول البلاد
وعرضها للإعلان عن الرقم … وتم كتابة الرقم علي لوحات مضيئة عملاقة أعلي العمارات والمباني الحكومية وقد صيغت الدعاية بعبارات جذابة وشيقة …منها :

((إتصل برقم الرئيس ..وإنت وأهلك تهيص …. ))

((إتصل بالرئيس … يكون لك خير ونيس ….))

ولم تنس الدعاية المرأة في هذه الحملة فكان منها ما يقول :

(( إتصلي بالرئيس …. وبكره يجيلك العريس …. ))

وكان للأطفال أمل الغد أيضاً نصيب فكتبت لهم إعلانات تقول :

(( كلموا عمو الريس …. قبل ما يموت ويفيص ))

هذا خلاف الإعلانات التليفزيونية والكليبات المثيرة التي رصد لها ملايين الجنيهات حتي تخرج الحملة بصورة مشرفة ووطنية ….

وتم الإتـفاق أن يسمع المتصل أغنية بدل سماع الجرس عن طريق خدمات (( الكول تون )) قبل أن يرد عليه الرئيس أغنية :

آآآلو الريس فين … الريس هنا …هنا هو … أقولوا مين بيكلموا …

وذلك لأن هذه الأغنية سهلة وتوحي أن الرئيس قريب ومتواصل مع شعبه …

وكان
الخلاف حول المكالمة هل تكون مجانية أم لا ..وتم حسم الموضوع بأن تكون
هناك رسوم لزيادة الدخل وتنمية الموارد ودفع عجلة الإنتاج وعمل ودعم
مشاريع الصرف الصحي والمياة وعمل نهضة تنموية مستقبلية …

جاءت ساعة الصفر …. وبدأت الخدمة … وتلقي الرئيس عدة مكالمات :

المكالمة الأولي :

- ألو ….

- أيون …

- إنت الريس …

- أيون يا حبيبي … إيه مشكلتك ….

-
أنا ياريس دخلت قسم شرطة أعمل محضر قام الظباط والمخبرين ضربوني علي قفايا
وجابوا ساعة رقمية وقعدوا يشوف من حيضربني أكتر علي قفايا في الدقيقة وما
خلصوش إلا لما ظابط المباحث عمل رقم قياسي وضربني 80 قفا في الدقيقة لغاية
ما قفايا ورم ونظري ضعف … يرضيك كده ياريس وأنا ولا مجرم ولا حاجة أنا
رايح أشتكي وأعمل محضر في الجيران …

-
بص يا مواطن … إحنا كلنا في خدمة الوطن.. والشعب في خدمة الشرطة ..لما
يكون ظابط بيحميك ويحمي أولادك إيده بردانة شوية وعايز يدفيها ويسخنها في
قفاك ده يزعلك … لازم تضحي شوية علشان الوطن …!!

- شكراً ياريس ..ربنا يخليك لنا ويخليك للوطن … ؟

المكالمة الثانية :

- ألو

- أيون

- الريس معايا شخصياً

- أيون … قول يا مواطن … إيه مشكلتك …

- أنا ياريس وغيري ملايين ساكنين في المقابر وتحت الكباري وفي عشش في ال …في ال

- أسكت ..إتكلم عن نفسك بس يا مواطن بلاش تعميم … إنت عايز تعمل لي تنظيم علي التليفون؟ فاهم.. ولا أفهمك بطريقتي …

- فاهم فاهم يا ريس …

- كمل يا مواطن …

- نفسي في شقة من إللي بتتوزع علي لاعيبة الكورة والعقود إللي بتتوزع وبنشوف تصاويرها في التلفيزيون…

- واضح يا مواطن إنك مش متعلم ومش فاهم حاجة … تسكينك في المقابر إنت وغيرك ده له حكمة عظيمة ..

إنت عارف إن الدين بيأمرنا بزيارتها للموعظة والإعتبار من آن لأخر لكي نعرف أنها دنيا فانية …

وإنت محظوظ كل يوم وكل ساعة بتتعظ … ده إنت تحمد ربنا إننا لم نأخذ منك ضريبة إتعاظ …. !!

- طب ما تيجي ياريس تتعظ عندنا شوية …

- إخرس … يا ..(….)

دببببب …

وتم غلق الخط …

المكالمة الثالثة :

- ألو ….

- أيون

- الريس حبيبنا معانا ….

- أيون أيوه كده ….إيه مشكلتك يا حبيبي …؟؟

-
أنا ياريس شاب عندي 29 سنه ومتخرج بقالي 9 سنين ومش لاقي شغل ..ولسة بآخد
مصروفي من والدي وقاعد علي القهوة طول اليوم … نفسي أشتغل ياريس …

-
أنت غريب قوي يا مواطن … مش تحمد ربنا إننا مريحينك ..عايز تروح للشقي
برجليك … وبعدين مالها قعدة القهوة … إتعلم منها حاجة تفيدك …ممكن تبقي
بطل شطرنج زي كسباروف وساعتها تعرف إن جلوسك علي القهوة كان مصلحة …

- ياريس عايز أكون نفسي …

- ما تكونها يا حبيبي حد حايشك …؟!!

- أكونها إزاي من غير شغل ..؟؟

-
إيه يا مواطن أنا ماسك أعصابي … إنت عايز البلد تكون ملايين من الناس..
إحنا فاضيلنك ولا إيه..؟؟ إحنا عندنا عيال بنكونها برضه …. خلي أبوك يكونك
يا مواطن …

دبببب …وتم غلق الخط ….

المكالمة الارابعة …

- ألو ..صباح الخير ياريسنا يا جميل …

- ألوووووووووو…صباح الجمال … أيوه يا شابة .. إيه مشكلتك وأنا أحلها لكي في فمتوثانية …

- أنا يا ريس عانس … وصلت لسن 35 ومش لاقية عريس … نفسي أتجوز زي البنات كلها ويبقي عندي بيت وأسمع كلمة ماما ….

- هههههه … إنت تحمدي ربنا …جواز إيه وقرف إيه …خلفة وطبيخ وواحد متخلف ينكد عليكي ومسئولية … خليكي كده ….

- ياريس … نفسي أحب وأتحب ….

- يا مواطنة … حب الوطن كفاية عليكي ….

- يعني أتجوز الوطن وأجيب منه عيال ..!!!

- يوووه … إنت مش عجبك كلامي طيب …

دبببب .. وإنتهت المكالمة ….

و انت لو كلمت الريس هتقوله ايه ؟؟

منقول من مدونة متر الوطن بكام

الو الريس الشعب بيسرق بعضه كل واحد بيسرق فى مهنته عشان يعيش الطبيب لما بيجيله مريض يقول اه انتا عايز خمس عمليات حالا وكل ما فى الامر شويه وجع ولما يروح يصرف الروشته من محمد مجدى هههههههههه ممكن يكون العلاج ب30 جنيه يديله بديل ب90 جنيه ويقوله انا ظبطتك
الطعميه كلها عيش مهروس الحديد مغشوش محدش يعرفه الا معلم ظابط المرور يقف فى اللجنه اياك حد يعدى الا لما يورينى الرخص يطلع السواق ورقه بخمسه انتا قليل الادب يطلع عشره جنيه انتا مثال للسائق المحترم عدى كل يوم روح مصلحه حكوميه متمشيش الا بفلوس رش وان مرشتشى هتتعطل المهندس يقولك هعملك واعملك محدش معملهوش قبل كده وياخد فلوس ويسرق فى المون المحامى انا عملتلك كذا وكذا وكذا وكذا وكذا وانا بشرب شاى فى الكافيتريا
الصنايعيه بيشتغلوا بضمير فى جامع يا ريت البيوت تبقى جوامع والكثير
يا شباب ليس معنى هذا الشمول فى كل مهنه المحترم والسىء انا اقصد السى
م/محمد حسن هذا موضوع جرى وجيد نريد المزيد

الو ياريس ايه الاخبار وصحتك عال الحمد لله طيب ماعلينا ندخل فى الموضوع ....................
انا ياريس مش عاجبنى حال البلد بصراحه كل حاجه بتنهار وبتتدهور فى البلد دى .وحتى التعليم الى هو اهم شئ مفروض نهتم بيه بقه هو كمان فى النازل بقوا بيعلموا الطلاب فى المدارس قشور المواد وكمان لما بيخلصوا بينسوها لان مفيش حد بيهتم انه يثبت المعلومات دى فى عقول الطلبه وكمان المعلمين فى المدارس كل اهتمامهم انهم يحفظوا الطلاب المنهج علشان يدخلوا الامتحان يحطه وبعد كده ميفتكروش اى حاجه منه لانه كانوا بيحفظوا مش بيفهموا
وسلام ياريس لان انا عارفه ان سياتك مشغول جدا وانا عطلتك

واشكر م/محمد حسن على انه نقلنا هذا الموضوع الجميل

حمدلله ع السلامه يا دعاء
بجد وحشتينا

هقوله ايه............ الو...................... الو............................ الو............................
ايه ده انا مش عارفه اقول ايه.................................................................................
الشكاوى كتيرة وكل شكوى بتسابق الاخرى............................................
للاسف هضطر للصمت ..........................لان احيانا كتيرة ...........الصمت ابلغ من الكلام
وساكتفى بصوت انينى عله يعبر عما كنت اريد ان اقوله
موضوع رائع........................يسلموووووووووووووووو

السلام عليكم ورحمة الله و بركاته سيادة الرئيس ؛

فقط أريد أن أُذكرك بالحديث الشريف " كُـــلكم راعٍ و كُـــلكم مسئول عن رعيته ....... "
إلى آخر الحديث ،
فـــــــــــ إتــــــــقِ الله فينا ....

الو.........صباح الفل ياريس...انا هقولك كلمتين

بالتّمـادي
يُصـبِحُ اللّصُّ بأوربّـا
مُديراً للنـوادي .
وبأمريكـا
زعيمـاً للعصاباتِ وأوكارِ الفسـادِ .
وبإوطانـي التي
مِـنْ شرعها قَطْـعُ الأيادي
يُصبِـحُ اللّصُّ

.. رئيساً للبـلادِ !....

................انا مستنى البوكس علشان عارف انى هتاخد امن دولة

سلام ياريس ........................mohamed mawaad.

ما هى احلى حاجة
ان فى ديموقراطية نقول اللى عاوزينه ويعملوا اللى هما عاوزينه
واكيد اكيد مش هياذونا
لو كلمته عاوزة سؤال واحد بس
فين مصر ؟

سيدى الرئيس ابوس ايدك

سيب البلد فى حله

الو0000000000000000ازيك ياريس انا
ممكن اطلب طلب سهل خالص
ياريت ترحم كرمتنا بقا
لانها خلاص تعبت يعنى بلاش نكون للبلاد
التانية شيا بيستهزؤ بية

انا كنت هسلم على الريس واطمن على صحته وابوس ايده وادعيله ان ربنا يوفقه على رعيتنا