مع عدم الاعتذار للحكومه

من اجلك انتا
خربناها
وبيعناها
من اجلك انتا
فصصناها
مصمصناها
وقزقزناها
وهضمناها
وشكوتك برضه سمعناها
ومن أجلك انتا
طنشناها
هتكلم فى السياسه
هتروح درب التبانه
بنينا سجون
هتكون فيها أهم زبون
تعمل بطل هتبات مدفون
وكبيرها ايه؟ هنقول مجنون
من اجلك انتا
جئنا بوزراء البزنس
واياك تنطق او تتنفس
وايه يعنى لو عشت مفلس
هتفضل على طول تهلس
علشان ما تفكرش تغلس
من عطاف لبلاد النوبه
ضحكنا عليك بالكوره
وسمعناك نانسى وهيفوفه
تعمل سمسون وييا الجوزه
ندمنا ان احنا سيبناك
تحلم تغير دنياك
ومن الاول علمناك
ومن أجلك انتا
والناس سامعة
بعنا المصنع والمستشفى
وهنبيع المدرسه والجامعة
هتضايقنا اكيد هتجدنا
العيش فيه مسامير
للصحة تبقى حديد
ولومامعاكش؟
مايلزمكش
واوعاك تنسى
يابو قلب اسود
ان احنا عملنا
كل ده كله
من اجلك انتا

اهلا استاذ محمد وشكرا على الرد الجميل انتا حقيقى منور فى الصوره
ملحوظه هامه اخرى/يا ريت يا ابن بلدى الغالى تركز فى شغلك فى الغربة وسيبك من الكمبيوتر والنت والمنتديات

[b]بسم الله الرحمن الرحيم
اولا اشكر اخى تامر محمود على على هذه الكلمات التى تتحدث بها القلوب فى زمن لا يستطيع احد فيه الكلام
ثانيا استاذ تامر كما علمتنا الراى والراى الاخر وان ارى ان عصر مبارك افضل من عصر جمال عبد الناصر وانور السادات

افضل من ناحية ايه؟؟؟؟؟؟؟؟؟؟؟؟؟؟؟؟؟؟؟
ولا اى شىء اللى تديهولك الحكومة باليمين تاخده بالشمال الكيل بمكيالين حاليا اما زمان كان الوضع افضل وده من كلام الناس اللى عاشت زمن السادات على الاقل

موضوع رائع استاذ تامر بس الى بيروح درب التبانه مش السياسين الجماعات الاسلاميه فقط اما السياسين فالمعتقلات مليئه بهم

(فقلت إستغفروا ربكم إنه كان غفاراً) صلاح الأمة يبدأ بصلاح النفس أولاً _ والإستغفار واللجوء إلى الله
يزيل الهموم وتنفرج به الكروب

واللة ياْخ تامر انا مع الاخ محمود رجب فى كل ما قالة نعيب زماننا والعيب فينا فااْذا كانت الحكومة غير صالحة وعندها سوء فى الادارة فنحن كشعب اسوء من اْودير فبصلاح الرعية يصلح الراعى واْنا ياْخ تامر لااحب من يسب الحاكم اما اذا اردت التغير فابداْ بنفسك اولاْ وبمن تعول فاْذا صلح مجتمعك الذى يحيط بك صلحت الدولة وصلحت الحكومة فالحكومة لم تضع المسامير فى الخبز والحكومة لم تامر الموظف فى مصالحها باْخذ الرشوة انما نحن الذين اسائنا التطبيق فلو كل فرد فينا وضع ضميرة حاكماْ علية ما اْحتجنا الى حكومة تحكومنا وليكن لنا اسوة فى الامام احمد بن حنبل حيث قال لو اعلم ان لى دعوة مستجابة لادخرتها للحاكم وقال ايضاْ اذا راْيت الرجل يسب الحاكم فاعلم انة ليس فية خير وهو اشد من عذب من الحاكم فى زمنة

موضوعك حلو تامر بس هوضح بعض النقاط
انا لم اجد لك فى المنتدى الا هذا الموضوع لماذا؟
بالنسبه لمحمود رجب يا ريت توفر هذه النصائح الدينيه الجميله يا عمى الشيخ لاخوك الى بيكتب كل شويه مواضيع عن الحب والرومانسيه وحاجات تانيه
بالنسبه لابو صهيب العقد الى فى دماغك دى هتموتنا بكلامك ارحمنا

اولا ياخ ارسطو يافيلسوف عصرك يتضح من كلامك انك جاهل سياسيا ودينيا واخلاقيا فعندما يعرض احد نصيحة او راى اومقال فلا ينبغى لك ان تقول اخوك او اختك اما انا فانت لتعرفنى ولايشرفنى ان تعرفنى اما النصائح الدينية التى تقول للاخ محمود خليها لاخوك فالدين هو السياسة والدين هو الحاكم ولا نستطيع ان نغير الامور الا بالدين وانصحك نصيحة دينية ان تغير اسم ارسطو لانة كافر وانكر وجود اللة وقال النبى صلى اللة علية وسلم من تشبة بقوم حشر معهم

نرجو ا الهدوء لايجب ان نتفلسف يا ارسطو وبعدين الاخ تامر مشكور على الموضوع الجميل ده ونشكر الاخ الكبر ابو صهيب ومحمود ومحمد ومحمد السيد لكم جميعا كثير من الحب والتقدير وتقبلو تحياتى وشكرا

شكرا لكل من مر على موضوعى

موضوع جيد يا زعيم تسلم ايدك