نؤيد سيادتك يار يس

نؤيد سيادتك لفترة جديدة

نكمل خلالها المسيرة السعيدة

و بالمرة فيها نبيع الحديدة

مفيش حاجة تانية نبيعها خلاص

نؤيد سيادتك لأجل المزيد

من اللي تحقق بفضلك أكيد

بقينا خلاص ع الحميد المجيد

و ربك لوحده فى ايده الخلاص


نبايع سيادته ولا حد غيره

كفايا علينا نبرطع في خيره

و نوم شعب مصر العظيمة و شخيره

يقول للحرامي ما تسرق كمان

نبايع سيادته وابنه وحفيده

مفيش زي فكره قديمه و جديده

خرابك يا مالطة حيحصل بايده

ومين فيكي يعني بيسمع آذان

نبوس ايد سيادتك و رجلك كمان

تخليك معانا يا ريس عشان

وجودك ضرورة فرضها الزمان

و من غير وجودك حقيقي نضيع

دي مصر بتاعتك و احنا ضيوفك

كفايا علينا يا ريس نشوفك

و عاذرين سيادتك و فاهمين ظروفك

عليك بس تؤمر و احنا نطيع

في جزمة سيادتك كلابك يبوسوا

و فوق الغلابة بجزمهم يدوسوا

و شعبك ليلاتي يا ريس غموسه

مذلة و مهانة و حوجة و مر

لكن يعني ما دمنا شعب انتساب

و دايما وأبدا فى حالة غياب

متعملش لينا يا ريس حساب

دي عزبة سيادتك و فيها أنت حر

و دستور ما دستورشى مش فارقة خالص

كلام فاضي كله يا فندم بناقص

كفايا علينا الفساد اللي ماصص

عرقنا و معشش و ضارب جذوره

و ايه يعني تهري جتتنا البلاوي

يوماتي كوارث، فضايح، رشاوي

كفايا علينا القعاد في القهاوي

بنستنى لما الوريث ييجي دوره
ا

الله عليك ياعم احمد يانجم - شكلك كدا وحشك العيش والحلاوة . وشكلنا كدا احنا كمان هانشوفك قريب
تحياتى / واحد مش خايف - ياريت اللى مش خايف يورينا تعليقه

استمر فى الكلام وقول الى فى قلبك ولا تخاف من احد هتعيش حياه واحده وعمر واحد باذن الله لن نعيش طوال العمر يجب ان نعيشه حقيقه وليست عيشه الخوف والنفاق امثال الضعفاء والمنافقين وما اكثرهم الخائفون لا يصنعون الحرية عيش بطل وموت بطل

اتوجة بالشكر الى كل من مر بموضوعى واثراه بتعليقة.
حزين الايام قبل ان اجيبك اود ان اعرف هل هذا اسم ام صفة لو صفة يبقى كان الله فى عونك اما لو اسم تبقى مشكلة لاننا لو حبينا ننادى عليك نقولك تعالى يا حزين روح يا حزين ..

بالنسبة لى انا من عزبة الاوقاق عزبة صغيرة كدا مش على الخريطة بجوار قرية عطاف

تحياتى /

اولا اشكرك .على موضوعاتك الجميلة وبعدين ملها عزبة الاوقاف لو مش عزبة الوقاف مكناش عرفنا الناس الكويسة دية .احب ان اوجةلك كل حب واحترام .ومعك طبعا ا/تامر ( فعلا موضوعك جميل )

خلاص من اليوم مفيش عزبة الاوقاف مفيش منتدي عطاف نتقابل في الجنة إن شاء الله

شكرا the rules of life كلنا بنحب عطاف بلدنا اتربينا فيها واتعلمنا فيها وليها الفضل الكبير علينا بعد ربنا