ياجماعة الخير 0000000 ياخبر
انت رحت فين من فترة ليست بالبعيدة كان عندنا شوية مواضيع مهمة
وكنا بنتناقش بحماس جامد ياتري الحماس دة راح فين
خلاص هنمشي مع الهوجة اللي المنتدي ماشي بيها الفترة الاخيرة
ونتكلم في الحب والحبيبة والبنت اللي تعمل مشاركة وكل واحد يدخل ويلحن
والله علي ما افتكر كان عندنا شوية موضيع مهمة عوزين تفضل علي الساحة
علشان جايز مع الوقت نقدر نعمل حاجة فيها هذكر بعض منها الان
1 - المدرسة وصلت لفين ياتري لسة مش لقيين حد ينفذ المشروع
2 - سيارة المرضي اللي كنا عاوزين نتكاتف ونجيبها وصلت لفين في امل ولا لا
3 - الاستقطاع الشهري اللي اتكلم فية out of sight ياتري هيتنفذ ولا لا, مع ان احنا اقترحنا مبلغ صغير
اوي كل شهر وقلنا وليكن 10 ريال شهريا كحد ادني في البداية بس يبدأ
4 - المساهمة في عمل مشروع صغير لبيت المال
ارجو ان يرجع المنتدي من اجل مناقشة حاجات تفيد البلد ويكون لينا بصمة علي بلدنا
بدل ما عمالين نتكلم في الفاضي ومبنعملش حاجة الا اننا نتقد الناس اللي بتشتغل
