عطاف فى عيون اهلها

انا مصرى

بعد التحيه

انا يمكن اكون عضو جديد فى المنتدى

بحب اشكر : أ _ سمير ابو العنين مدير المنتدى _ ونائب المدير _ وكل المشرفون والمراقبون وكل عضو فى المنتدى

انا شايف ان الفكره فى المنتدى جميله جدا لعده اسباب ,

1_ عرض المشاريع التى تفيد البلد .

2_ احترام الاعضاء الصغير قبل الكبير .

3_اقتراب الناس لبعضها .

4_ الحب فى الله .

5_ الوفاء .

تعالوا نشوف اى من العبارات التى استخدمت فى المنتدى ؟

وما الذى قدمناه لهذه البلده , فى تجمعنا فى منتدى عطاف ؟

والاستفاده من المنتدى حين وجوده على النت منذ فتره ؟

افضل ان اترك الاجابه للاعضاء بالمنتدى للاجابه عن الاسئله

وفى النهايه اشكر جميع الاعضاء المقيمين بعطاف فى عيون اهلها

وفى النهايه بشكرا ......... أ _ سمير ابوالعنين على قبول الدعوه للاشتراك فى منتدى عطاف فى عيون اهلها.

انا مصرى !!!

اهلا بك معنا فى منتدى عطاف
احب اولا ان اهنئك على الموضوع الجميل المثير للنقاش
وانا من رأى ان اكتر حاجه استفدناه فى المنتدى ده انها قربت معظم الاعضاء من بعض وعرفنا بناس كتير من القريه
وانا شايف ان ده احسن منتدى فى نظرى طبعا لان المنتدى دة معمول للقريه وانا شايف ان المنتدى بدأ يرجع زى الاول واحسن كمان
وارجو من الجميع الاهتمام باخبار القريه
اما عن ما قدمناه للقريه عن طريق هذا المنتدى فانا اعتقد انه لم نتقدم شيئا للقريه حتى الان نظرا لعدم اهتمام اصحاب الرأى والمسؤلين بهذا المنتدى
واعتقد انه من المفروض من عمده القريه والمسؤلين الاهتمام بهذ المنتدى وطرح المشاكل والمشاريع بهذا المنتدىومناقشتها مع الاعضاء (وامرهم شورى بينهم)
واخير احييك على هذا الموضوع الرائع
شكرااااااااااااااااا...................

واتمنى ايضا عوده الاعضاء الكبار اصحاب الفكر الرائع مثل(out of sight والاستاذ سمير وغيرهم نظرا لان المنتدى قد وصل لدرجة الانحطاط من دونهم

واتمنى ايضا عودة العضو محمود فوزى فكهة المنتدى

ايه يا هيمه الكلام الجامد ده بصراحه الرد بتاعك عجبنى اوى بس فى

حاجه مافيش حد جاوب على اسئله الراجل انا عن نفسى مش عارف

بس اكيد فى حد عنده اجابه ولا ايه

دايما عطاف فى عيون اهلها طالما هناك رجل مثل الاستاذ الفاضل سمير ابو العنين
انا اتمنى ان تظل عطاف فى عيون اهلها ودائما الى الامام

اشكر لكم مدحكم لى ولكن لست اهلاً له
وكنت اتمنى ان يكون الشباب فى مقدمة الصفوف فى كل شىء ووجدت ان المنتدى فرصة ليحدث تقارب بين الشباب والكبار ولكن وجدت المنتدى اصبح اشياء فى معظمها لاتهمنا وبعيدة عن مشاكل قريتنا الكل بيقول ابعد عن الشر وغنيله وواقفين نتفرج على كل من يحاول التصدى لأى فساد ومنتظرين بماذا سينتهى الصراع
شباب سؤال لماذا هذه السلبية ؟
هلى ده جزء من تربيتنا؟
هل هى الظروف السياسية؟
سؤال لم اجد له احابة
هل سنظل نبحث على من يحل لنا مشاكلنا
ام ماذا؟

بجد المنتدى ده جعل لعطاف كيان وقيمه وجعل جميع الناس تفكر لكى تجعلها قريه جميله ومتفتحه ايضا وكمان قربنا كلنا من بعضنا وخلانا نحب بعض

ويارب ديما يبقى المنتدى فى تقدم وسمو

تقبلو رأى المتواضع

مع تحياتى

مشكلتنا هي انحصار طموحاتنا ومقاييس نجاحاتنا في نطاق البيت الذي نعيش فيه، أو المكان الذي نعمل فيه. فقد يكون منتهى طموحي هو أن أكون أشطر واحد في البيت، أو أكون الأول في الشركة التي أعمل بها، أو الأول على المدرسة التي أتعلم فيها، حتى وإن كان هذا الأول لا يؤهلني لأن أكون الأخير في أماكن أخرى !!

عندما أرسب أنا فقط في المدرسة .. أهِدّ الدنيا ... لكن عندما ترسب المدرسة بالكامل .. أحمِد ربنا !!! ... وكأن هذه المدرسة هي كل العالَم .... وفشل العالَم يعني أن هناك مجال لأمثالي!!

عندما أستخدم كافة الطرق المشروعة ( وأحيانا غير المشروعة ) لحل مشاكلي الشخصية فهذه من الضروريات الأساسية .... أما اهتمامي بمشاكل المجتمع فتلك كماليات ورفاهية !!

ما رأيكم بهذه الثقافة ؟؟!!

أحييكم جميعا

للاسف هي دي الحقيقة

اننا كلنا طموحاتنا وافكارنا محصورة فى المكان اللي احنا فية بس

لاننظر حولينا ونتعلم من غيرنا

معندناش روح الانتقاد والتعلم منه انا لو بعمل عمل وواحد انتقد العمل خلاص كدة بقي عدو

لا انتظر ان انظر الي انتقادة ممكن يفيدني في العمل اللي بعمله ولا لا

ليس عندنا مجال للحوار في مشاكل التي تخص القرية وطرق حلها

لا نقدم نقدنا بالطريقة المناسبة التي تجعل الغير يتقبله فلابد من الاسلوب المناسب

عدم الجراءة في مواجهة المخطأ وخاصا اننا كلنا اهل في بعضنا

كل واحد بيقول انا ازعل فلان مني ليه وابقي شكلي وحش طب ما اقعد ساكت وخلاص

علشان كدة لحظنا ان في ناس كتير دخلت المنتدي باسماء مستعارة

اغلبهم ام سالتهم قالوا علشان نعرف نقول اللي عاوزينة بصراحة

اتمني الرقي والتقدم لقريتنا

farao

صراحة فى بداية الامر كنا نأمل بأن يتزايد عدد الاعضاء كى نكون عزوة ومن خلال هذة العزوة نقدر ان احنا نقدم اى شى للبلد وكان ذلك هدف كل من شارك فى هذة الموقع ( من اعضاء - مدرين - مشرفين )

لكن للأسف اتت هذة العزوة بالعكس
حاليا تزايد عدد الاعضاء بكم كبير جدا لكن ما الاستفادة ليس هناك اى استفادة

انا معاك

مفيش اى حد يقدر يقول ان احنا اقدمنا خدمات او مصالح للقرية من خلال هذا الموقع

لكن يمكن ان نقول اننا تعرفنا ببعض و تعرفت عقولنا على بعض

اما بالنسبة للسلبية اللى الاستاذ سمير بيتكلم عنها

حضرتك طرحت مشكلة وفى ايدك حلها

لو جينا نشاهد اية سبب السلبية
هو ان كل عضو ممكن ينزل اكثر من موضوع فى اليوم وفى وقت واحد وطالما دة من حقة فبينزل اى موضوع يقابلةة على النت 1-
لكن لو حددنا لكل عضو موضوع واحد فى اليوم هينتقى افضل المواضيع لوضعة فى المنتدى لانة لا يملك سوى فرصة واحدة
وان اخطأ فى اختيارة فى المرة الاولى هنا تكون مهمة مشرف القسم يقوم بحذف الموضوع
وان اى عضو لو اتحذفلة موضوع تانى مرة هيفكر 100 مرة قبل مينزل اى موضوع وهل يستحق ام لا

2- سبب من اسباب السلبية هو ان اصبح كثير من الاعضاء لا يهمهم سوى الرود وكم قدر الردود وشكلها اية مش هامة مدى استفادة الاعضاء من الموضوع

ارجو من استاذنا الفاضل تقبل هذا ومحاولة تنفيذة وهو تحديد عدد المواضيع لكل عضو وهو موضوع واحد فى اليوم

شكرا لك على موضوعك

واهلا ومرحبا بك فى قريتك ومع ابناء قريتك

اشكر الاستاذ سمير ابوالعنين
انة عمل حاجة تجمعنا بعض
وتخلينا نفكرمع بعض