العيب فينا ولا فى الدنيا

السلام عليكم ورحمه الله وبركاته

أزيكم عاملين ايه
ايه اخباركم
يــــــــــــــــــــــــــارب تكونوا بخير

انا موضوعي النهارده ظاهره منتشره اووي في حياتنا
يعني مثلا
انا النهارده كنت ماشيه في الشارع لقيت واحد بيكلم نفسه وبيقول ايه القرف ده و انا زهقت وكلام من ده

و مش اول مره تحصل من ده كتيييييييييييير

ليه الناس مبقتش تقول الحمدلله بقت كلمه قليله بينا
ليه الناس مبقتش راضيه عن حياتها وعيشتها
ليه الحقد والكره بقى منتشر بين الناس بمعنى تاني الناس مبقتش طايقه بعضها
ممكن علشان ظروف الحياه والمعيشه
بس برده مش سبب مقنع
وبرده لان في نقطه اساسيه اغلب الناس بقت بعيده عن ربنا
وبعيده عن الدين ونسبه كبيره بين الناس مبقاش عندها ضمير وكتير من الناس بيتكلم في الدين كويس اوي لكن في افعالهم بيتقلبوا 180 درجه

وانا من رايي انا الحياه بقت كده بسببنا احنا وانعدام الضمير بسببنا احنا برده والنقطه الاساسيه للمشاكل دي كللللللللللللها
بعدنا عن ربنا ودينا
لكن في الاخر اقول
الحمدلله على كل حال

مستنيه اعرف رايكم

lkhfgh;lkq

انا اظن ان العيب فينا مش فى الدنيا لان الدنيا ربنا خلقها حلوة وجميلة احنا بادينا خليناها كدة زى ماانت قولت بالظبت بعدنا عن ربنا شوية بس ربنا فاكرنا دايما ومنسناش ابدا الحمد للة والابتلاءات دى نعمة لازم نشكر ربنا عليها

العيب فينا طبعا احنا الى بنعمل الصح والخطا وبادينا نصلح الخطا ده بس هيهات مفيش حد بيطلع نفسه غلطان ولا ايه مش كده برده

إحم إحم ...... دستور يا بنات
هو الموضوع ده للبنات فقط ؟
ولا ممكن أعلّق ؟!

لا طبعا احنا نتشرف بتواجدك معانا والموضوع لكل الناس

السلام عليكم ورحمة الله وبركاته أخواتى وإخوانى فى الله

جاء فى الحديث القدسى فى صحيح مسلم وأبو داوود والنسائى

عن أبى هريرة رضى الله عنه قال: قال رسول الله صلى الله عليه وسلم: ( قال الله عز وجل: يؤذينى ابن آدم آدم يسب الدهر وأنا الدهر بيدى الأمر أقلب الليل والنهار) حديث صحيح

نرى كثيرا سواء فى الشارع العربى أو فى وسائل الإعلام العربية أو على صفحات المنتديات كثيرا من الناس.. يلقون لومهم دوما على الدهرو الزمان.. يسقطون أسباب حزنهم أو تدهورهم أو فشلهم على الزمان واختلافه عما سبق.. بل ومنهم من يلعن الزمان ويسب الدهر.. ويرى أن الزمان ظلمه وأنه جار عليه ..

سبحان الله العلى العظيم

وما دخل الزمان فى أحوالنا المتدهورة.. وفيما يصيبنا من بلاء وهموم.. وهل كان عهد النبى عليه الصلاةوالسلام، بل وعهد الرسل والأنبياء من قبله خاليا من الابتلاءات .. . هل عُفى الأنبياء أنفسهم من الابتلاءات أم كانوا أشد الناس ابتلاء..؟؟!!!

لمَ نسقط فشلنا أو ضعفنا أو قصورنا أو حزننا على الزمان؟؟؟!!

الله سبحانه يقلب الليل والنهار بيديه… والليل والنهار يتعاقبان كل يوم منذ أن خلق الله الأرض ومن عليها.. ولم تقل الشمس يوما لن أسطع ولن أشرق .. ولم يقل القمر يوما لن أنير للناس طريقهم .. فأمرهم بيد الله سبحانه وتعالى..

وهى ثوابت قائمة حتى يفنى الله الأرض ومن عليها ..

ولكن ما المتغير الذى يتغير.. إنه نحن البشر..

البشر هم من يؤثرون فى كل حقبة من الزمان ..

فمع البشر الذين يقطنون زمانا بعينه تكون النهضة والرفعة ..

ومع آخرين يكون الذلة والهوان..

كان الصحابة على عهد النبى عليه أفضل الصلاة والسلام والتابعين .. يصابون بالبلاء فيصبرون ولا ينقمون ولا يسبون الدهر.. فقد كانوا أقوياء الإيمان .. ولما قلَّ الإيمان وتبددت أواصر العلاقة برب العالمين.. وتفشى الفساد .. أرجع البشر هوانهم وفسادهم وخذلانهم إلى الدهر ..

يا إخوانى نحـــــــن هو العيـــــــب ذاته..

كل زمان يتميز بما فيه من بشر فقد كانت النهضة والعزة فى بداية عهد الدولة الإسلامية لأنهم كانوا يتقون الله حق تقاته ويأمرون بالمعروف وينهون عن المنكر

ثم آل الحال لما هو عليه الآن .. لتشتتنا وتفرقنا وتهاوننا

نحن من تهاونا فى جنب الله وفرطنا كثيرا كثيرا.. ومنا من نسى أن له ربا خلقه وسوف يحاسبه وأن هناك كتاب يُحصى فيه كل صغيرة وكبيرة يفعلها ويقولها.. وما أصابنا من خير فمن الله وما أصابنا من شر فمن أنفسنا .. وقد صدق الله فيما قال .. فمن أعمالنا سلط علينا .. والجزاء من جنس العمل.. أنريد أن يكون البعض فينا يعيث فى الأرض فسادا وينشر الموبقات بل ويعترض على آى الذكر الحكيم .. وعلى السنة المطهرة .. والبعض يلوون ألسنتهم بكتاب الله لتأتى موافقة لأهوائهم .. ونريد أن يتحسن حالنا …. كيف هذا بالله عليكم ؟؟؟!!!

لا يغير الله ما بقوم حتى يغيروا ما بأنفسهم .. لابد أن نتغير نحن أولا ولا يقول أحد الكل يفعل كذا لماذا أتغير أنا .. لابد أن يبدأ كل فرد بذاته وبمن يعول وبمن هم حوله والدين النصيحة .. لابد من الاجتهاد فى ذلك والمثابرة .. وسوف نصل إلى الخير بإذن الله تعالى ..

وليس الحل أن نجزع كلما مررنا بضائقة ونلقى اللوم على الزمان .. فهذا من الجهود والتذمر والاعتراض على قضاء الله وهذا لايليق فى حق المسلم الحق الذى يؤمن بالقدر خيره وشره .. لابد أن نشكر الله على كل ما يصيبنا .. وما أصابنا ما كان ليخطئنا وما أخطأنا ما كانا ليصيبنا .. ولو اجتمع الجن والإنس والجن على أن ينفعونا بشئ ما نفعونا بشئ إلا قد كتبه الله لنا .. وإن اجتمعوا على أن يضرونا بشئ ما أضرونا بشئ إلا وقد كتبه الله علينا..

ودوما لابد أن نتذكر أن أشد الناس ابتلاء هم الأنبياء ثم الأمثل فالأمثل

وأن المؤمن أمره كله خير، ولا يكون ذلك إلا للمؤمن، إن أصابته سراء شكر فكان خيرا له، وإن أصابته سراء صبر فكان خيرا له

لابد أن نقوى علاقتنا بالله ونبدأ من اليوم أن نلقى اللوم على أنفسنا نحن ولا نسقط خذلاننا فى أى أمر ولا همومنا ولا أحزاننا على الزمان..

وكما قال الشاعر:

نعيب زماننا والعيب فينا .. وما لزماننا عيب سوانا

اية الكلام الكبير دة ما شاء اللة بصراحة كلام مقنع وانا استفدت منة وجزاك اللة خيرا

انا من راى العيب فينا احنا لان الناس مش بتدور على الغلط

الى بيعملوة وبيرموة ورا ظهرهم ودايما الانسان يقول انا ببص قدامى وهنسى الى فات

طيب مش يمكن الى فات ده غلط ولازم يصلح انا ارجو من كل انسان انو يدور على خطأئه
ويصلحه
>>>>>>>>>>>>>>ahmed_fawzy<<<<<<<<<<<<

باختصار العيب لا فينا.......... ولا فى الدنيا

العيب فى............ النظام

الشرف لي نوارة ... ومشكورة على الدعوة.
_______________________________
لا لا لا ....
العيب لا فينا ... ولا في الدنيا ... ولا في النظام !

أنا شايف ان العيب في الشكمان ...
ضايق صدره عَ الفاضي و المليان ...
العربية مبطّلة ... وبرضه بيطلّع دخان !
_______________________________
إ
مضاء
( ميكانيكي )

الكل متفق ان العيب فينا طيب لما احنا عارفين وواثقين ان العيب فينا طب لية احنا نعمل العيب

والله يجاماعة معتش حد عارف العيب فى مين بالظبط
فينا
ولا فى الدنيا
ولا فى اية بالظبط

المهم ان احنا منكررش العيب دة تانى
ونحاول من نعملش زى الاخ الى بيكلم نفسة واكيد مفيش
حد بيتكلم كدة من فراغ ربنا يكون فى عونة ومنعرفش اية الى مدارية

معاك حق يا modyالعيب فى النظام ولازم نعدل منه Embarassed

شكككككككرا utyutyu

ياللي راميين حملكوا ع الدنيا وبتقولوا قاسيه علينا
العيب مش في الدنيا ...... ده العيب فينا
لو جابتلنا حاجه حلوه...... بنقضي عليها بإدينا
لا الدنيا بتغدر مره ولا ...... ضحكت مره علينا
بس إحنا اللي بنكبر...... اي مشكله جنبينا
احنا اللي بنجرح ونتجرح ...... واهو كله بيطلع على عنينا
واحنا اللي بنزرع الشوك ......في كل جنينه حولينا
واحنا اللي ياما غدرنا بناس..... ومسيرهم يغدروا بينا