عطاف فى عيون اهلها
عطاف فى عيون اهلها
عطاف فى عيون اهلها
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

عطاف فى عيون اهلها

قريه عطاف
 
الرئيسيةالبوابةأحدث الصورالتسجيلدخول
منتدى يتناول اخبار جمعية تنمية المجتمع بعطاف برجاء عدم استخدام الأسماء المستعارة

 

 من اشعار احمد فواد نجم

اذهب الى الأسفل 
3 مشترك
كاتب الموضوعرسالة
تامرالطيب
عضو فعال
عضو فعال



ذكر عدد الرسائل : 44
العمر : 38
تاريخ التسجيل : 11/04/2010

من اشعار احمد فواد نجم  Empty
مُساهمةموضوع: من اشعار احمد فواد نجم    من اشعار احمد فواد نجم  Emptyالأحد ديسمبر 26, 2010 4:35 am

مارد رفض وانتفض
زلزل عروش العار
الشمس ولا الجبل
ولا المحيط هدار
ولا القمر فى السما
فجر سحاب النار
ولا الربيع انتشر
غطى الوجود ثوار
ولاالنشيد انطلق
عالى على الاسوار
طير سلاح الحرس
من لمسه الاوتار
ولا نسيم الصبا
ولا هوا الاعصار
انت الجميع كلهم
والكل فيك حضار
يا شعب لما رفض
يا شعب لما اختار سطر بدم الشرف
انشوده الاحرار
نار الخيانه حطب
نار الشعوب صبار
الرجوع الى أعلى الصفحة اذهب الى الأسفل
روح الحياه
عضو نشيط
عضو نشيط



انثى عدد الرسائل : 10
العمر : 54
تاريخ التسجيل : 02/12/2010

من اشعار احمد فواد نجم  Empty
مُساهمةموضوع: رد: من اشعار احمد فواد نجم    من اشعار احمد فواد نجم  Emptyالسبت يناير 22, 2011 2:20 am

جميله لمن يفهم معانى الكلمات

تحياتى لك


الرجوع الى أعلى الصفحة اذهب الى الأسفل
سامح السيد عطاالله
عضو فضي
عضو فضي
سامح السيد عطاالله


ذكر عدد الرسائل : 141
العمر : 43
الموقع : المملكة العربية السعودية - جدة
تاريخ التسجيل : 11/06/2009

من اشعار احمد فواد نجم  Empty
مُساهمةموضوع: رد: من اشعار احمد فواد نجم    من اشعار احمد فواد نجم  Emptyالأحد يناير 23, 2011 4:56 pm


يا عزيزى .. من الواضح انه ليش الشعب المصرى فقط بل الشعوب العربية جمعاء ماشية فى سكة ( البلحة المأمعة ) .
ترى الدور على مين بعد ثورة تونس وانهيار لبنان وتقسيم السودان . وسيطرة اسرائيل وخطر ايران . وهيمنة امريكا . وانتحار الالاف من الشعب المطحون الكحيان .... فى مسرحية ( الزعيم ) لعادل امام قال ان الزعماء العرب لو صحيوا الصبح ملقوش شعب يحكموه .. هيجيبوا عقود عمل ويسافروا السعودية وللمفارقة ان زين العابدين بن على موجود دلوقت فى السعودية ...

وفيه كلام عن انه ممكن يكون لاعب الموسم القادم فى صفوف فريق اتحاد جدة السعودى . ويتبقى فقط الخلاف حول المقابل المادى

اسمع عمك احمد فؤاد نجم بيقول ايه ....

كأنك مفيش
برغم إن صورك فـ كل الدواير
وكل المداخل وكل المحاور
ومليا الشوارع على كل حيط ..
مطنش علينا وعامل عبيط ..
كأنك مفيش ..
***
يا فرحة قلوبنا رئيسنا ظريف ..
فُكهي .. إبن نكته ودمه خفيف
فـ عهدك سيادتك فَرَشنا الرصيف
وآخر مُنانا الغُموس والرغيف
وكل مَّا اتُخنُق ندوَّر ..
مفيش !!
***

مسيِّب علينا عصابة حبايبك
فضايح وسرقة ونهب بسبايبك
مابين حزب نجلك ... وهانم جلالتك
وجيش الغوازي إللَّي داير يجاملك
وناملك وقاملك .... وحارسك وأمنك
شبعنا مهانه ... شبعنا لطيش ..!
وأنت .. مفيش !!
***
باعونا فـ حضورك ...
ببركة عِبـيدك وغالي وسرورك
باعوا الأراضي .... وكل المصانع
وباعوا البنوك ....
وقدَّام عِنيك .... صوتنا إتـنبح ..
ننادي عليك ..
إلحق يا ريس : ده باعوا الحديد !!
وأنت منشِّف دماغك عنيد !!
.. كأنك مفيش !!
***
دوشتوا دماغنا " بجمال " طلعتك
ومن يومها وإحنا عَبـيد حضرتك
ما تزعلش إني مواطن أبيح
ورافض كلابك فـ شعبك تطيح
فسادهم يا ريِّس واضح .. صريح
قوم بينا صلّح وفتَّش .. وثور
ح نكتب تاريخك ياريِّس بنور
مش تبقى عايش كأنـَّك مفيش !!
***
ورحمة أبوك .. مادام أنت قاعد
عيب لمَّا عُصبة نَـوَر يسحبُوك
م تُقبض عليهم .... م تقطع إيديهم ..
م تعمل عليهم يا ريِّس شاويش
بدل م انت ساكت وقاعد مفيش
***
ياريس علىّ الطلاق تعبانين !!
ياريس علىّ الحرام كفرانين !!
صبرنا سنين ..
سيادتك مسلطن
وشعبك وناسك بتاكل مسرطن
وتشرب مجاري وميت سم هاري ..
ومش دريانين

!!
ما تنهض يا ريس تلم الديابه ؟!!
ده شعبك غلابه ....
ومليان طيابه ...
وهوَّ الشفاعة ف يوم الحساب
وهما البطانة الحُثاله الكلاب
ما يملاش عنيهم غير التراب
وليهم ضوافر
وميت ألف ناب
وواقفين لشعبك ورا كل باب
لإمتى ح تسكت وليه الغياب ؟
ده ياما ممالك طواها التراب
حياتنا ياريس تعب فوق عذاب

يا ريس " شريفك " ماهوَّاش شريف !!
" نظيفك " يا ريس ماهوَّاش نظيف !!
وحتى " حبيبك " ماهواش حبـيب !!
وأنا غصب عني ... خلاص إستويت ..
بـ غـُلبي إنحنيت ...
وطلعان عنيا ... وصعبان عليا
بحسبة بسيطة ومن غير خريطه ..
وكونك مفيش .. لقيت متساويش
ومش فارقه أعيش ...
نويت أشتكيك للِّي فوقي وفوقك
وأصلي الفرايض ....عسى يفـُك طُوقـك
قالولي إللي يسجد عدو النظام !!
حاولت أحكي حالي ...!!
قالولي الحكاوي نميمة وحرام !!
فكرت أكتب ..
لقيتكم سيادتك منعتوا الكلام !!
فقررت أحلم ..
هاحلم سيادتك وأفُك اللِّجام
ولو مش هيعجب سيادتك يا فندم
وصِّي العساكر .... تاخُدني أمَّا انام !!
**
*
حلمت إني شعب ....!
حلمت إني شعب ومصلوب بطولي
على أرض سمرا
ودمي بينـزف ومليان جروح
وفوق صدري جمرة
يميني مربّط على أرض طابا
شمالي ممسمر فـ "أولاد علي"
ورجلي على جزع نخلة فـ "حلايب"
ومرتاح براسي على حِجْر مصر
وشوفتك ياريس ....كأنك ولي ..
كأنك نبي ..
فـ إيدك عصاية وليك معجزات
وشايل صليبي وبتفـُكني ..
وانا فـ جنَّه خضره .. وتحتي جداول ..
ومن فوقي نور ... وريحة بخور ..
همست ف ودانك بآخر وصيّة :
إنسى إللي فاتك ...
هننسى الأسية

... !!
أمانه عليك
حُط الوطن جُوَّه نِنِّي عينيك
كرامة عيالنا أمانة ف إيديك
بحق إللي بينّا يا ريِّس وبـينك
وحَق اليَمِين و" ألكتاب " فى يمينك
بحق الشهيد .. إللي رافع جبينك
وجيش إنتصارك فى يوم العبور
وجيل حُر طالع .... وعدته بدور
لملم عيالك ...
وجمَّع فـ مالك
وإسحب " جمالك "
وسيبنا وغور

الرجوع الى أعلى الصفحة اذهب الى الأسفل
 
من اشعار احمد فواد نجم
الرجوع الى أعلى الصفحة 
صفحة 1 من اصل 1
 مواضيع مماثلة
-

صلاحيات هذا المنتدى:لاتستطيع الرد على المواضيع في هذا المنتدى
عطاف فى عيون اهلها :: موضوعات للنقاش-
انتقل الى: