للاسف اعلام مصر اعلام فاشل لان باختصار احنا هنا فى الخارج شايفين اللى بيحصل وخير مثال مبارة الجزائر اللى للاسف تناولها باسلوب ليس فبه اى نوع من الاحترافية او الوعى الاعلامى وكله بيسعى وراء سبق اعلامى على حساب المصداقية واللعب بعقول الناس البسيطة اللى هى اساس الشعب المصرى
مثلا نجد الكابتن شوبير يروح الجزاير ويقبض وييجى يقول يا جماعة لازم نهدى وبعد الماتش ييجى فى ثوب الوطنية ويقول باعلى صوته اسف جدا على التكريم طب واللى انت اخدته ما ترجعه بدال انت اسف جدا
للاسف دا اسمه لعب بعقول الناس ولكن الحمد لله الناس فى مصر ما بتاكلش الاونطه
انا كان نفسى يكون الاعلام له دور قوى من البداية لان للاسف الاعلام المصرى هو اللى بدا كل ده من الاول
انا عاوز اقول ان الصحف فى الخارج اظهرت ان المصريين بلطجية وظلمه ولو مش مصدقنى ادخلوا على المواقع والصحف العالميه وانتوا تتاكدوا
عاوز اقول كمان ان بدال ما نوجه اعلامنا لشحن الناس وشحن الراى العام كان من الابدى ان نتكلم ان نتيجة 2 صفر من حقنا الصعود عملا بمبدا الهدف فى ارض الخصم باتنين زى ما استفادت البحرين امام السعودية
دا اللى كان لازم نركز عليه مش يجمعولى شوية ممثلين وشوية عيال سيس ويقولك ليلة فى حب مصر والناس فى الجزائر مخها شغال على وسائل العالم الخارجيه لانها مؤثره
عموما اقولكم كل كاس عالم وانتم طيبين ونحاول 2014.